Na passada quinta-feira, dentro das atividades que a Fundaçom Artábria vem dedicando a socializar a figura do Apalpador, o nosso Centro Social acolheu a apresentaçom do documentário ?E há de vir o Apalpador?, editado polas companheiras e companheiros da Comissom de História da Gentalha do Pichel.

Após a apresentaçom do companheiro Fernando Martins, intervinhérom Paulo Rico e José Dias Cadaveira do coletivo compostelano, explicando o trabalho de três anos de investigaçom e recolha de testemunhos, filmadas entre as comarcas dos Ancares, o Courel ou Sárria, em que falam das suas vivências quando eram crianças e o Apalpador visitava as suas casas.

A continuaçom da projeçom, sucedêrom-se as intervençons do público e as reflexons coletivas sobre a necessidade da recuperaçom desta e doutras tradiçons próprias da nossa terra como o Natarego, os cantares de reis ou a festa das cabaças, e a importância que tem para o recobramento da nossa identidade.
Da Fundaçom Artábria só nos resta parabenizar o importante labor de investigaçom desenvolvido pola Gentalha do Pichel.