Na próxima sexta-feira, 25 de janeiro,às 20.30hs contaremos com a presença de Ramiro Vidal Alvarinho para apresentar o seu livro "Letras de Amor e Guerra".

Letras de Amor e Guerra é o primeiro ?tripoemário? do autor. O livro consta de três partes; ?Ópera Caníval?, que é umha reflexiom sobre a problemática relaçom entre o ser humano e o méio: estampas e retratos urbanos com a dor e a opressom sempre de fundo; Evocaçom da Luita, que é umha coleçom de poemas políticos e sociais num ton fundamentalmente épico e ?Cançom corsária para um albatros?, um canto à utopia e ao amor no méio de umha realidade cruel. O fio condutor de toda a obra é a procura da liberdade e a esperança, pola via da ternura, a paixom e o espírito de luita.

Quem é Ramiro Vidal Alvarinho?

Nasce em Ferrol no ano 1973, ainda que tanto o pai como a mai som originários de terras próximas a Betanços ( o pai de Mántaras, Irijoa e a mai de Labrada, Guitiriz) Mora em Oleiros desde o ano 87. A sua atividade literária está ligada de maneira especialmente estreita ao seu ativismo noutros campos (no ambientalismo sendo adolescente, mais tarde no ativismo lingüístico e a militança política) de tal maneira que as suas primeiras participaçons em recitais poéticos e eventos similares tenhem a ver com atos de reivindicaçom (de apoio ao movimento ocupa, aos presos políticos, memória histórica?) Desde o ano 2010 está vinculado ao coletivo artístico A Porta Verde do Sétimo Andar. Cultiva a poesia, o relato curto e o artigo político. Colabora habitualmente no Diário Liberdade e em primeiralinha.org. Esta é a sua primeira publicaçom em solitário; contribuiu em publicaçons coletivas como a primeira ediçom de ?Relatos de Verán? de La Voz de Galicia ou o livro do primeiro concurso literário do Ateneu Libertário de Vigo, no que di respeito à narrativa; no livro comemorativo dos 75 números do jornal Abrente, no que di respeito da faceta jornalística e em várias antologias poéticas assim como revistas editadas em papel e sites da internet relacionados com a criaçom literária (Mensajes en una botella, empuje.net, Biblioteca Virtual Galega, andar21?) A sua obra é integramente em galego.