« Crónica do concerto de The Brosas e Retobato | A Fundaçom Artábria participou com o Bloco Laranja na manifestaçom nacional em defesa da nossa língua » |
Sexta-feira passada, decorreu no nosso Centro Social a apresentaçom do poemário Letras de Amor e Guerra, o primeiro trabalho individual e impresso em papel de Ramiro Vidal Alvarinho e publicado pola Porta Verde do Sétimo Andar a través do seu projeto editorial Q de Vian Cadernos.
Após umha breve introduçom do crítico e escritor ferrolano Mario Regueira, tivemos a oportunidade de escoitar alguns versos do poemário da voz do autor.
Também houvo momento para a solidariedade com o companheiro Hadriam Mosqueira 'Senlheiro', vítima de mais umha campanha de ofensiva policial e de intoxicaçom mediática contra o independentismo e os movimentos sociais e que fica encarcerado apesar da falta de provas. Miguel 'Vento de Trasancos' foi o encarregado de recitar um poema do jovem compostelano. Em breve disponibilizaremos o video com a intervençom do poeta trasanquês.
Eis umha pequena crónica gráfica do ato.