Na Fundaçom Artábria, estamos a ficar habituadas e habituados a receber cada certo tempo umha visita de Séchu Sende, que já tem participado em várias iniciativas organizadas pola Artábria na nossa comarca.

No nosso Centro Social, apresentou o seu maior êxito: Made in Galiza, voltando mais tarde para apresentar o seu Animais, além de ter protagonizado o pregom do V Festival da Terra e da Língua e de ter apoiado a campanha gráfica por um Dia das Letras dedicado a Carvalho Calero.

Agora voltou a visitar-nos para nos apresentar a sua mais recente obra: Viagem ao Curdistám para apanhar estrelas, livro de viagem protagonizado polas ilustraçons que ele próprio elaborou durante o seu périplo pola naçom curda, apoiadas em textos sobre a experiência e as sensaçons de umha viagem inesquecível.

A dinámica apresentaçom contou com a presença de mais companheiras conhecedoras do Curdistám e, além de folhearmos o livro de Séchu, tivemos ocasiom de trocar impressons, opinions e aprender mais sobre o povo e a língua curda.

Obrigad@s mais umha vez e até a próxima visita, Sechu!