« A Fundaçom Artábria voltou a reivindicar em Ferrol a figura de Ricardo Carvalho Calero | Homenagem a Carvalho Calero e solidariedade aos companheiros multados polo governo municipal do PP » |
Na passada sexta-feira, o Local Social da Associaçom de Vizinhança de Esteiro acolheu a apresentaçom do último trabalho de Carlos Velasco, 'Franquismo serôdio e transiçom democrática na Galiza (1960-1981)' editado por Laiovento.
Após a apresentaçom do companheiro Joám Lopes, tomou a palavra Francisco Pilhado, histórico do teatro galego e diretor de Edicións Laiovento que fijo umha pequena contextualizaçom da etapa da nossa história que nos ocupava.
A seguir, foi turma para o autor, que depois dumha breve introduçom à sua última obra deu paso ao público, com o que participou ativamente dum interessante colóquio no que se deu conta deste período crucial da perspetiva do cambio social, mas pondo em relevo também as altas doses de continuidade que o caraterizam. Continuidade percetível, entre outros indicadores, na pervivência até nossos dias das mesmas elites sociais e políticas -quer dizer, da burguesia- outrora beneficiária da ditadura, cujo modelo de dominaçom se viu reforçado através de um peculiar processo de ?transiçom democrática?, por elas comandado, de consequências devastadoras para o futuro do País.
Desde a Artábria queremos agradecer à Associaçom de Vizinhança de Esteiro por nos permitir usar as suas instalaçons.