Na passada quinta-feira, 17 de maio, milhares de pessoas saimos mais umha vez às ruas de Compostela para reclamar umha política lingüística favorável ao galego.

A Fundaçom Artábria participou na mobilizaçom junto a outras entidades defensoras da unidade lingüística galego-luso-brasileira e do monolingüísmo social no "Bloco Laranja", cuja presença a cada manifestaçom é mais representativa e visível.

Após a faixa de cabeça , sob a legenda " Crescer na nossa língua para estar no mundo", portada por representantes dos diferentes coletivos aderentes fôrom vários centenas de pessoas às que secundárom à convocatória do reintegracionismo de base portando bandeiras laranjas e das diferentes naçons da lusofonia dando colorido à mobilizaçom. Umha segunda faixa "O galego, ou é galego-português ou é galego-castelhano, nom há outra alternativa". era também portada por militantes do reintegracionismo de base.
"Alonso Montero nom fala galego", "Na Galiza em galego", "A mim nom me enganam o Ñ é de Espanha", "Bilingüísmo é espanholismo", "Avante sem tregua com a língua galega" ou "galego e português a mesma língua é" fôrom algumhas das palavras de ordem mais repetidas durante o percurso polas ruas de Compostela.

Da Fundaçom Artábria consideramos necessário fazer notar a existência de umha importante base social defensora da unidade lingüística na prática, além da retórica teórica. Quem todo o ano trabalha polos objetivos teorizados polo ferrolano Carvalho Calero deve estar em cada mobilizaçom de rua reivindicando passos firmes nessa direçom.
Neste 17 de Maio, mais umha vez, aí estivemos, por umha Galiza em galego, pola unidade da língua e a sua plena normalizaçom.