Queres montar um posto na feira popular de coletivos e artesanato? Cá explicamos como.

1) A montagem dos postos estará permitida a partir das 11.30h do sábado 14 de Setembro, nom existindo límite horário para o seu feche.

2) A organizaçom do Festival garantirá um ponto de luz para todos os postos; mas os elementos de iluminaçom (lámpadas, alongadeiras, ?) correrám a cárrego de cada um dos postos.

3) O preço de cessom de parcela será de 5 euros* para aqueles postos que tenham umha longitude máxima de 5 metros. Aqueles que superem este tamanho, terám um custo de 10 euros*. No caso de ter colaborado com um patrocínio no livrinho do Festival a cessom será de graça.

*O Festival da Terra e da Língua é um evento autogestionado. Todo o dinheiro recadado irá destinado a cobrir os custos da sua organizaçom.

4) Nom estará permitida a venda de comida ou bebida nos postos (Ficando excluídos desta condiçom, aqueles postos que contem entre a sua oferta com algúm produto de doçaria artesanal -bolachas, cup-cakes, ...-)
5) A infraestrutura do posto (toldo, mesa, cadeiras, etc) correrá a cargo do responsável do mesmo. A organizaçom do Festival, em nengúm caso, suministrará um ou vários destes elementos.

6) A vigilância do posto correrá a cárrego do próprio responsável do mesmo. A organizaçom do Festival nom asumirá a responsabilidade de roubos ou extravios que puidessem ocasionar-se.

7) No dia da feira, os artesaos e artesás deverám dirigir-se, à sua chegada, ao posto de venda de tickets do festival, onde um/ha membro da organizaçom procederá à entrega dumha acreditaçom oficial, assi como ao cobro pola cessom da parcela.

8) O praço de inscriçom para a Feira de Artesanato do XIII Festival da Terra e da Língua, finalizará a sexta-feira 13 de Setembro às 0.00h.

9) No caso de aceitar estas condiçons e querer participar na Feira de Artesanato do XIII Festival da Terra e da Língua, encaminha um correio-e de confirmaçom a correiodeartabria@gmail.com ou telefona para o 669 73 70 06, indicando o seguinte:

- Nome e apelidos do responsável do posto e nome comercial (se houver).
- Telefone de contacto
- Dimensons e descriçom do posto.

Se tivesses algúm tipo de dúvida ao respeito de algúm ponto, nom duvides em contactar com nós.

Obrigadas/os!!
Vemo-nos no Festival!!