« A Fundaçom Artábria desliga-se da "Comissom Cidadá" que solicita o Dia das Letras 2015 para Carvalho CaleroCrónica gráfica da Foliada Ártabra »

Homenagem a Carvalho Calero o próximo 30 de março

20-03-2014

  17:54:06, por artabria   , 198 palavras  
Categorias: Comissom de Língua, Cultura e tradiçons, Língua

Homenagem a Carvalho Calero o próximo 30 de março

No próximo dia 25 de março, cumpre-se o vigésimo quarto aniversário do passamento do inteletual ferrolano Ricardo Carvalho Calero.

Da Fundaçom Artábria, como entidade que nasce, em grande parte, para continuar com o legado deixado por Carvalho, aproveitamos para lembrar mais um ano a sua obra e reivindicar as suas ideias com um ato de Homenagem, que decorrerá ao pé da sua casa natal, na rua de Sam Francisco, nº51, no bairro de Ferrol Velho no domingo, 30 de março às 17hs e que contará com umha oferta floral, diversas intervençons e um recital poético.

O ato será apresentado polo companheiro Xende Lopes Teixeiro, da Diretiva da Fundaçom Artábria. A poesia chegará da voz de Antia Cortiças, Teresa Moure, Miguel Vento de Trasancos e Elia Rico.

De Loureda, chegam Alberto Pombo e Diego Bernal, que musicarám o poema "Todo termina mal".

Vítor Santalha, em representaçom da Fundaçom Artábria, intervirá para fechar o ato.

Este ano, a nossa homenagem estará marcada por duas questons ligadas à figura do professor ferrolano. Por umha parte, a situaçom da casa natal de Ricardo Carvalho Calero a ponto de ruir definitivamente; e por outra, umha nova campanha por reivindicar o Dia das Letras para Carvalho.

Sem comentários ainda

Horário de Abertura
- Segundas a sextas 10.00h-13.30h // 17.30h-feche
- Sextas e Sábados 18.00h-feche

A Associaçom Reintegracionista Artábria, nascida em 1992 em Narom, transformou-se em abril de 1998 em Fundaçom, inaugurando em setembro desse mesmo ano o seu Centro Social.

A Fundaçom Artábria está declarada de Interesse Galego e classificada de interesse cultural, com o número de inscriçom 54 e CIF:G15645518.


Para saberes mais, lê a definiçom da Artábria na wikipédia + info

Busca

Ferramentas de administraçom

  Feeds XML

powered by b2evolution