« [Fotos] Como cada ano, março foi o mês da homenagem a Carvalho Calero para a Fundaçom ArtábriaA Fundaçom Artábria desliga-se da "Comissom Cidadá" que solicita o Dia das Letras 2015 para Carvalho Calero »

Ato simbólico para denunciar hipocrisia do governo municipal de Ferrol a respeito de Carvalho Calero

28-03-2014

  14:12:24, por artabria   , 476 palavras  
Categorias: Comissom de Língua, Língua

Ato simbólico para denunciar hipocrisia do governo municipal de Ferrol a respeito de Carvalho Calero

Na manhá de hoje, 28 de março, umha delegaçom da diretiva da Fundaçom Artábria, composta por Vituco Santalha e Xende Lopes Teixeiro, entregou no registo do Concelho de Ferrol umha carta, que anexamos, acompanhada de um jogo de ferramentas para José Manuel Rei Varela.

Com este ato simbólico, a Fundaçom Artábria pretende denunciar a hipocrisia e oportunismo do Governo Municipal a respeito da figura de Ricardo Carvalho Calero.

Conhecedores do "estrito código ético" que rege no Partido Popular sobre a receçom de presentes que podam ser mal interpretados... quigemos fazer a entrega de maneira pública, polo qual esperamos que o nosso Alcalde aceite o presente.

Sr. José Manuel Rei Varela

Fazemos-lhe chegar, como presente, este pacote com ferramenta, com a intençom de que lhe seja de proveito. Naturalmente, para evitar ferimentos, a ferramenta é de brincar, já que imaginamos que o Sr. José Manuel Rey desconhece o bom uso da mesma. Um desconhecimento lógico, sendo como é o senhor umha pessoa totalmente alheia ao mundo do trabalho.

Se o senhor Presidente aproveita bem esta ferramenta e dá aprendido a utilizá-la, poderá servir para arranjar a casa natal de Carvalho Calero.
Seria um bom começo e assim emendaria o abandono que durante tantos anos padeceu esse imóvel, pois nom compreendemos porquê 25 anos depois do seu falecimento o governo da sua cidade continua a outorgar-lhe semelhante indiferença, salvando declaraçons institucionais oportunistas.

Além da casa de Carvalho Calero (se chega a arranjá-la será o único serviço que até o momento tenha feito à causa da recuperaçom de Carvalho) nesse bairro de Ferrol Velho há mais prédios num estado de ruína ou caminho da ruína. Se o senhor Presidente apanha gosto a restaurar casas, talvez poda restaurar todo o bairro, incluída a deficiente pavimentaçom das suas ruas. Por extensom, pode tentá-lo também com bairros próximos como Esteiro ou Canido, em clara deterioraçom.

Se o senhor Rey Varela ainda tem ambiçom de reparar cousas, corrija o seu comportamento lingüístico e o do seu governo: aprenda galego e expresse-se em galego, convide os seus companheiros e companheiras de governo local, assim como o resto de membros do Grupo Popular, a imitar essa conduta. Pense que, no fim de contas, o galego era a língua pola qual Carvalho Calero decidiu luitar, considerando-a a língua nacional da Galiza.

Chegados a este ponto, naturalmente, com resultados tangíveis e verificáveis, estarám o senhor e o seu governo capacitados para reivindicar seriamente a figura de Carvalho Calero, como excelente dramaturgo, um grande poeta, um magnífico romancista, um renovador pedagógico e um grande conhecedor e ardoroso defensor da língua galega.

Sem mais particulares que lhe assinalar, desejamos-lhe que desfrute a brincar com esta ferramenta, para que algum dia a nossa Fundaçom e o povo de Ferrol poda reconhecer o trabalho do governo local em prol de um dos seus filhos mais ilustres: Ricardo Carvalho Calero.

Ferrol, 28 de março de 2014

Sem comentários ainda

Horário de Abertura
- Segundas a sextas 10.00h-13.30h // 17.30h-feche
- Sextas e Sábados 18.00h-feche

A Associaçom Reintegracionista Artábria, nascida em 1992 em Narom, transformou-se em abril de 1998 em Fundaçom, inaugurando em setembro desse mesmo ano o seu Centro Social.

A Fundaçom Artábria está declarada de Interesse Galego e classificada de interesse cultural, com o número de inscriçom 54 e CIF:G15645518.


Para saberes mais, lê a definiçom da Artábria na wikipédia + info

Busca

Ferramentas de administraçom

  Feeds XML

CMS software