« Fundaçom Artábria solicitará o Dia das Letras 2015 para Camilo José Cela[Fotos] Como cada ano, março foi o mês da homenagem a Carvalho Calero para a Fundaçom Artábria »

Intervençom de Vitor Santalha na homenagem a Carvalho Calero

31-03-2014

  18:52:36, por artabria   , 490 palavras  
Categorias: Concertos

Intervençom de Vitor Santalha na homenagem a Carvalho Calero

Reproduzimos intervençom do companheiro Vitor Santalha, em representaçom da Diretiva da Fundaçom Artábria, na homenagem a Carvalho Calero.

Bom dia a todas e todos,

Acho que pouco, ou nada, novo podo aportar sobre a figura deste ilustre ferrolano que nom se tenha dito já.

Haverá gente hoje cá, que com certeza lembre a primeira homenagem organizada pola Associaçom da Língua Artábria, germolo da nossa Fundaçom, lá por 1991. Naquela altura, este prédio estava ainda mais ou menos habitável. Há bem poucos dias, ficamos avergonhados, mais umha vez, polo enésimo desmoronamento deste prédio, que poderiamos extender a todo o bairro, local natal dum dos ferrolanos mais ilustres, e que ano após ano, fomos vendo como se degradava até ao estado atual de ruina. O bairro em geral e esta vivenda em particular pode servir como prova do desleixo das autoridades de todo tipo e cor polo nosso património e por este vulto da nossa cultura.

Hoje, vinte e três anos depois dessa primeira homenagem, temos de continuar a reclamar o que acreditamos evidente, o que é de justiça, o que seria normal noutras circunstâncias, num país normalizado. País que nom nos deixam construir as mesmos e os herdeiros dos que prenderam o professor. Aquelas e aqueles fascistas que lhe proibiram dedicar-se à docência. Os mesmos que uns anos depois o condenaram ao ostracismo, sendo relegado, marginado, mesmo desprezado e caluniado desde as distintas instâncias do poder político-cultural por manter-se fiel às suas conviçons e postulados. As mesmas instituiçons que, devemos lembrar, atualmente legislam em contra da nossa língua e da nossa cultura. Aqueles e aquelas que, nom podemos nem devemos esquecer, censuram e reprimem atos como o que estamos a celebrar hoje cá.
Carvalho Calero. Prolífico autor literário, cultivador de multidom de géneros: romance, poesia, teatro, investigaçom lingüística e literária...; primeiro Catedrático de Língua e Literatura Galego-Portuguesa; membro da Academia das Ciências de Lisboa; representante do nacionalismo histórico; antifascista, além dum dos principais representantes do reintegracionismo lingüístico...

Estes som apenas umha pequena mostra do que para nós som méritos mais do que suficientes para ser merecedor da posta em valor do seu trabalho ou do reconhecimento da sua vida dedicada à nossa língua. Embora para nós, todos os dias sejam os seus dias e os da reivindicaçom do seu lavor e património.

Chegados a este ponto, no que da RAG tiveram já oportunidades bastantes para homenageá-lo e reconhecé-lo, mas optaram sistematicamente polo contrário. Nom vamos ser nós as que lhes demos legitimidade para impor o que tem de ser lembrado e o que pode ser esquecido.

É por todo isto, que da nossa entidade; a qual nasce em grande parte para continuar com o legado deixado polo Ricardo; continuaremos insistindo e dedicando especiais esforços na divulgaçom da sua obra, na defesa nítida dos seus ideais e do seu pleno reconhecimento quer queira quer nom o stablishment político-cultural e a Real Academia Gallega.

Ricardo Carvalho Calero. Bom e Generoso
Na Galiza, em Galego!

Sem comentários ainda

Horário de Abertura
- Segundas a sextas 10.00h-13.30h // 17.30h-feche
- Sextas e Sábados 18.00h-feche

A Associaçom Reintegracionista Artábria, nascida em 1992 em Narom, transformou-se em abril de 1998 em Fundaçom, inaugurando em setembro desse mesmo ano o seu Centro Social.

A Fundaçom Artábria está declarada de Interesse Galego e classificada de interesse cultural, com o número de inscriçom 54 e CIF:G15645518.


Para saberes mais, lê a definiçom da Artábria na wikipédia + info

Busca

Ferramentas de administraçom

  Feeds XML

powered by b2evolution