« II Concurso Ártabro de elaboraçom de Tortilha de PatacasFiz na Fundaçom Artábria »

XVI Aniversário da Fundaçom Artábria com completo programa de atividades

29-09-2014

  13:24:52, por artabria   , 392 palavras  
Categorias: Concertos, Gastronomia, Teatro e conta-contos

XVI Aniversário da Fundaçom Artábria com completo programa de atividades

Neste mês de setembro, a Fundaçom Artábria cumpre o seu décimo sexto aniversário. Dezaseis anos de trabalho pola defesa da nossa cultura, os valores solidários e os direitos históricos do nosso País.

E com este motivo que organizamos umha série de atividades para dar conteúdo ao completo programa previsto para celebrar esta data tam assinalada. Ei-lo.

Na sexta-feira, 26 de setembro, teatro da mao da companhia Histéria que trazerám a obra Berlim. Será a partir das 22.00h e a entrada gratuita.

No sábado 27 de setembro às 22.00h dará início o espetáculo cómico de Fiz.

Na sexta-feira, 3 de outubro, decorrerá o II Concurso Ártabro de elaboraçom de tortilha de patacas. Será a partir das 21.30h.

O sábado 4 de outubro chega a primeira cita musical do nosso XVI Aniversário, desde a Corunha aterrizam em Ferrol os Ulträqäns que trazeram as suas melodias electro-folque-dance-tradicionais construídas com ladridos em semicorcheas e ouvidos de fusas e parafusa. O concerto começará às 22.00h.

As crianças também terám a sua jornada especial o dia 10 de outubro com o "Aniversário infantil". Jogos, música e surpresas nesta atividade para as mais pequenas.

O 11 de outubro desde as 22.00h decorrerá no nosso Centro Social umha das conhecidas Repichocas Ártabras. Traz o teu instrumento e participa.

O 16 de outubro, visita a Fundaçom Artábria um gram amigo do nosso projeto. Xurxo Souto apresentará o seu último livro "Contos do Mar de Irlanda".
Isabel Risco, ganhadora do prémio Mestre Mateu à melhor actriz do 2014 apresentará no nosso Centro Social no dia 17 de outubro o seu monólogo "Nabiza Girl". Será às 22.00h e a entrada de graça.

Mais umha apresentaçom literária decorrerá o dia 23 de outubro. Manuel Cráneo e Alfredo López "Tokio" apresentarám a banda desenheada "A causa do crime", ambientada na primeira greve geral em Vigo. A apresentaçom dará início às 19.30h.

O 24 de outubro, os cines Duplex de Ferrol acolherám a estrea mundial do documentário "15 anos da Fundaçom Artábria". A projeçom está marcada para as 20h. Posteriormente haverá petiscos no nosso Centro Social.

Fecharemos o programa do aniversário ao grande. O 25 de outubro decorrerá no nosso Centro Social umha ceia de confraternizaçom a um preço de 12 euros (10 euros para @s associad@s) e posteriormente poderemos disfrutar da música de Blues do País.

Para apontar-te à ceia-concerto deverás fazê-lo antes do 22 de outubro no balcom do nosso Centro Social ou escrevendo para correiodeartabria@gmail.com. As vagas som limitadas.

Sem comentários ainda

Horário de Abertura
- Segundas a sextas 10.00h-13.30h // 17.30h-feche
- Sextas e Sábados 18.00h-feche

A Associaçom Reintegracionista Artábria, nascida em 1992 em Narom, transformou-se em abril de 1998 em Fundaçom, inaugurando em setembro desse mesmo ano o seu Centro Social.

A Fundaçom Artábria está declarada de Interesse Galego e classificada de interesse cultural, com o número de inscriçom 54 e CIF:G15645518.


Para saberes mais, lê a definiçom da Artábria na wikipédia + info

Busca

Ferramentas de administraçom

  Feeds XML

powered by b2evolution free blog software