« Obradoiro de cerveja este domingo na Fundaçom ArtábriaUm mês de fevereiro carregado de atividades! »

Neste 8 de fevereiro, a Artábria estará na rua pola língua, porque a língua nos fai livres!

04-02-2015

  00:19:09, por artabria   , 401 palavras  
Categorias: Comissom de Língua, Língua

Neste 8 de fevereiro, a Artábria estará na rua pola língua, porque a língua nos fai livres!

Sairemos as vezes que for preciso, porque manifestar-se nom só nom é incompatível com o trabalho normalizador do dia a dia: é umha boa ocasiom de coincidirmos e testar a vontade coletiva com que o nosso povo reivindica mais galego. No nosso caso, faremo-lo com o Bloco Laranja do reintegracionismo de base.

A nossa entidade nunca se limitou a proclamas ou atos rituais como prática normalizadora. Levamos mais de duas décadas de atividade quotidiana e diversificada em favor da socializaçom do galego e do espalhamento da consciência lingüística.

Nom vamos descobrir agora a importáncia de se manifestar, nem vamos autoenganar-nos pensando que só com manifestaçons vamos salvar o nosso idioma da condena à morte ditada polo imperialismo espanhol e polos seus colaboracionistas no nosso país.

Porém, sabemos que nom há luita que se ganhe sem um alto nível de compromisso e reivindicaçom coletiva contrastada, entre outras formas, através da mobilizaçom popular nas ruas. Há tantos exemplos na história que nom vale a pena insistir nisso...

Sabemos também que em contextos de conflito lingüístico existem tentativas de instrumentalizaçom da causa lingüística por parte de organizaçons e interesses todo o tipo. Assim acontece com todas as luitas sociais.

Mas nada disso vai fazer-nos ficar na casa quando se convoquem mobilizaçons em defesa do galego. Estaremos, como sempre estivemos, junto aos setores do nosso povo comprometidos com a língua, mediante as mais diversas fórmulas convocantes, mesmo sendo a nossa entidade excluída, como nesta ocasiom acontece.

Sim, a convocatória do dia 8 nom é a que quereríamos, como nom fôrom as convocatórias comarcais da mesma plataforma no ano passado. Nos dous casos, é evidente a influência de calendários eleitorais alheios aos interesses lingüísticos que deveriam mover estas convocatórias.

Nengumha entidade terá sido mais crítica do que a Fundaçom Artábria com o ?estilo? de fazer as cousas da organizaçom convocante. De facto, nom fazemos parte da Plataforma Queremos Galego devido ao veto imposto polos seus promotores à nossa entidade no momento da sua criaçom. Temos memória.

Poderíamos colocar essas e outras objeçons à convocatória deste domingo, mas nada disso justificaria a nossa passividade numha jornada em que, previsivelmente, milhares de galegos e galegas sairám às ruas para reclamar o exercício do pleno direito à língua.

Por todo o anterior, neste 8 de fevereiro de 2015 a Fundaçom Artábria estará, como estivo naquele 8 de fevereiro de 2009, nas ruas da capital galega.

A nossa língua fai-nos livres!
Na Galiza em galego!

Sem comentários ainda

Horário de Abertura
- Segundas a sextas 10.00h-13.30h // 17.30h-feche
- Sextas e Sábados 18.00h-feche

A Associaçom Reintegracionista Artábria, nascida em 1992 em Narom, transformou-se em abril de 1998 em Fundaçom, inaugurando em setembro desse mesmo ano o seu Centro Social.

A Fundaçom Artábria está declarada de Interesse Galego e classificada de interesse cultural, com o número de inscriçom 54 e CIF:G15645518.


Para saberes mais, lê a definiçom da Artábria na wikipédia + info

Busca

Ferramentas de administraçom

  Feeds XML

powered by b2evolution free blog software