Mais um fim de semana, a Fundaçom Artábria disponibiliza umha ampla oferta cultural. Desta vez, na sexta-feira, 13 de novembro, o multifacético jovem trasanquês Fiz Patinho trará um novo espetáculo ao nosso Centro Social.

Em palavras de Fiz, "o espetáculo é medíocre, o intérprete é medíocre". Dependendo da cara que leve o público, tentará fazer música, poesia e umha performance de olaria africana, mas "assim contado nom tem graça". O espetáculo pode conter traças de leite e frutos secos.

A atuaçom começará às 22.00hs (pontual) e a entrada é "pola gorra". Quer dizer, após o espetáculo passará-se o chapéu.

No sábado 14, estarám na Fundaçom Artábria chegados de Compostela os Superoito. Com dous trabalhos discográficos e umha impressionante tourné com mais de 50 concertos, o grupo de Giane, Xabi e Glen é na atualidade um dos grupos revelaçom do panorama musical galego.

Atitude gamberra mas sem perder nem um só ápice de frescura e transparência que os caracteriza, com tam só dous anos de vida sabem marcar as suas próprias linhas de identidade, mantendo em todo o momento a energia e faísca juvenil das quais fam justiça em cada um dos seus diretos.

O concerto começará às 22.30hs e tem um bilhete de 4 euros, 3 euros para as pessoas associadas à Fundaçom Artábria.