O passado 5 de agosto davamos início às atividades do mês com a projeçom do documentário "Ence, 60 anos mais?" realizado por gzcontrainfo. À apresentaçom assistiu Zélia Garcia, ativista de gzcontrainfo.

Nesta sexta-feira, 12 de agosto, contamos com umha nova cita com a gastronomia . Desde as 20.30h haverá umha Paelhada Ártabra ao "estilo Vidal". O preço do prato é de 4 euros e haverá opçom vegana.
A receita da paelha (e nom arroz com cosas) conta com o visto bom dos ortodoxos deste manjar do Païs Valencià.

Na quarta-feira 17, com motivo do Dia da Galiza Martir organizamos umha homenagem ao alcalde ferrolano assassinado polo fascismo, Jaime Quintanilha e ao resto de vizinhos e vizinhas da nossa comarca mortas pola barbárie fascista. No ato, que decorrerá às 20.30hs no Baluarte de Canido, intervirám Vitor Santalha em representaçom da Fundaçom Artábria; Henrique Sanfiz, historiador; e o hispanista John Tomphsom.

O cantor ferrolano, e neto de Jaime Quintanilha, Jamie Fithring, ponhera a nota musical ao ato.

No dia 19, sexta-feira, às 19.30hs, decorrerá um atelier de malabares para crianças ministrado por Lucia Mira. É precisso inscriçom prévia, já que há um máximo de 12 praças. A idade mínima é de 4 anos. A atividade é gratuita.

Na sexta-feira 26 de agosto fechamos as atividades deste mês com a projeçom de diapositivas do companheiro Ernesto Lopes "Nês" sobre a história da nossa entidade. A projeçom dará início às 21.00hs.

Aproveitamos para recordar que durante agosto a Fundaçom Artábria permanecerá fechada todos os dias de manhá e os sábados de tarde.