Abdías Uziel, Martina Gil e Xiana Ruíz ganhadoras do "V Concurso Escolar Conhecendo o Apalpador" »

Programaçom completa para este mês de entruido na Fundaçom Artábria

01-02-2017

  22:25:00, por artabria   , 722 palavras  
Categorias: Concertos

Programaçom completa para este mês de entruido na Fundaçom Artábria

A Fundaçom Artábria oferece um variado programa de atividades para fevereiro: exposiçons, teatro, música, atividades para crianças, monólogos, gastronomia... completam umha intensa programaçom para este mês de entruido.

As atividades comezam a próxima sexta-feira 3 de fevereiro. Desde Porto, na sua turne pola Galiza, chegam ao nosso Centro Social os Palankalama.

Palankalama é um quarteto dedicado à música instrumental, oriundo da cidade tripeira. As suas composiçons baseiam-se na música tradicional/folque de diversas regions e imaginários. Cada música é umha procura de um cenário onde se desenvolve um argumento. Recorrendo à energia do rock, a narrativa é traçada polos quatro elementos da banda, numha busca de lugares de "fiçom".

O início do concerto está fixado para as 22.30hs e a entrada é de graça.

No sábado 4 às 20hs decorrerá a inauguraçom da exposiçom de fotografias analógicas de Antia DC que leva por título "Ferrol Vello". Umha série de imagens do bairro portuário desde a ótica da fotógrafa ferrolana.

Também no sábado 4 às 22.00hs a companhia eumesa DameCuerda QueTeatro traz ao nosso Centro Social a adaptaçom da obra de Noel Coward "Un espirito burlón".

Prepara-te para rir nesta hilarante, fantasmagórica e disparatada comédia. A entrada é de graça.

Na sexta-feira 10, o professor, historiador, escritor e jornalista ferrolano Guillermo Llorca recuperará numha palestra a "Memória histórica do bairro de Esteiro". A conferência começará às 20.00hs.

No mesmo dia 10, às 22.00hs daremos continuidade a projeçom de diapositivas do companheiro Ernesto Lopes sobre a história da nossa entidade.

No dia 11, participaremos na jornada de comemoraçom do centenário dumha reuniom histórica entre as Irmandades da Fala da Corunha e de Ferrol. A atividade organizada polo Coletivo Literário In Nave Civitas, da Corunha, começa às 10.50hs na Estaçom de comboios de Corunha, desde onde partirám as e os "hirmáns da Cruña" para chegar a Ferrol às 12.00hs onde serám recibid@s polos "hirmáns enxebres de Ferrol".

Posteriormente decorrerá um roteiro polo Ferrol das Irmandades guiado por Xosé Maria Do Barro. Durante o percurso espalharam-se escritos alusivos ao que aconteceu há 100 anos. No edifício Ideal Roon (antigo local comercial de Inditex na Praça de Armas) haverá um ?photocall? 100 anos depois e rematará o roteiro com a leitura de textos das Irmandades da Fala.

Às 14.30hs decorrerá um jantar-popular no nosso Centro Social. A ementa será entrantes, lacom assado com cachelos, sobremesa, água e vinho e terá um preço de 12 euros. Para apontar-se podedes fazê-lo escrevendo para correiodeartabria@gmail.com ou ligado para o telefone 669 778 474 antes do 9 de fevereiro.

Após o jantar haverá recital poético e foliada. Podes trazer o teu instrumento!

À volta das 18.30 acompanharemos ao pessoal que se deslocu desde a Corunha novamente à Estaçom de comboios.

O coletivo Literário in nave civitas fai um chamamento a animar-se e vestir de época durante a jornada.

Na sexta-feira 17 de fevereiro recalará na Fundaçom Artábria o ator Luis Zahera para oferecer ao público o monólogo "Chungo", um espetáculo no que explica as suas vivências como ator e a trajetória que o foi levando a interpretar papeis "de raro, de nom muito listo".

O preço do bilhete anticipado, que já se pode comprar no nosso Centro Social, e para pessoas associadas é de 4 euros e e em bilheteira de 6 euros. A atuaçom está marcada para as 22.00hs.

No sábado 18 decorrerá um novo atelier infantil de manualidades criativas. Desta volta as crianças aprenderám a fazer disfarces de entruido. A atividade que será ministrada por Lara Soto e Begonha Painceiras está destinada a nenas e nenos a partir de 6 anos. Require-se inscriçom prévia, que é gratuíta, e o límite de prazas é de 20.

Podes apontar-te no correiodeartabria@gmail.com ou ligando para o 671 20 01 60 (Lara).

No próprio sábado 18 decorrerá a primeira ediçom do Concurso Ártabro de elaboraçom de Freixós. As bases estám disponíveis na nossa página web. A inscriçom é gratuita.

Novamente a música será protagonista na sexta-feira 24. Desde o bairro corunhês de Monte Alto chegá Trapalhada para pôr-nos a dançar ao ritmo do seu último trabalho ?Alenta o Mar?. A entrada é de balde e o início do concerto está marcado para as 22.30hs.

Fecharemos as atividades do mês de fevereiro no sábado 25 com a tradicional Ceia de Entruido na Fundaçom Artábria. A ementa típica constará de sopa, cozido, sobremesa de entruido, vinho, água, café e "shots". O preço é de 15 euros, 12 euros para as pessoas associadas. Para reservar o teu bono podes escrever para correiodeartabria@gmail.com ou para o telefone 669 778 474.

Sem comentários ainda

Horário de Abertura
- Segundas a sextas 10.00h-13.30h // 17.30h-feche
- Sextas e Sábados 18.00h-feche

A Associaçom Reintegracionista Artábria, nascida em 1992 em Narom, transformou-se em abril de 1998 em Fundaçom, inaugurando em setembro desse mesmo ano o seu Centro Social.

A Fundaçom Artábria está declarada de Interesse Galego e classificada de interesse cultural, com o número de inscriçom 54 e CIF:G15645518.


Para saberes mais, lê a definiçom da Artábria na wikipédia + info

Busca

Ferramentas de administraçom

  Feeds XML

free blog software