No próximo sábado decorrerá, por segundo ano consecutivo, umha ruada polo bairro de Esteiro e da Madalena com motivo do Dia da Pátria. A mobilizaçom convocada pola Fundaçom Artábria, junto ao BNG, CIG, Cerna, Causa Galiza, Briga, Isca! e a Semente Trasancos partirá às 12.00hs da Praça do Hino Galego e finalizará na Praça da Galiza.

As convocantes chamamos à participaçom da classe trabalhadora da nossa cidade nesta ruada para reivindicar e celebrar o nosso dia nacional, que terá lugar a próxima terça-feira, 25 de julho.

Sessom Vermute e Jantar Popular na Fundaçom Artábria
Após a ruada, decorrerá na Fundaçom Artábria umha sessom vermute com a atuaçom do cantor ferrolano Manolo Bacalhau.
Às 14.30hs haverá um jantar popular que consistirá numha Paelha "ao estilo Vidal" cujo preço será de 4 euros. Haverá opçom vegana.

Centro Social permanecerá fechado o 24 e 25 de julho

Aproveitamos para informar-vos que o nosso Centro Social permanecerá fechado os próximos 24 e 25 de julho, Dia da Pátria.

A Fundaçom Artábria trabalha para que o nosso país esteja no lugar que lhe corresponde no espaço europeu e aportamos o nosso pequeno grao de areia na construçom nacional da Galiza, é por isso que apelamos a:

1.- Secundar ativamente todas aquelas iniciativas patrióticas promovidas nos próximos dias ao longo da Naçom que reclamem a soberania e a independência nacional da Galiza.

2.- Pendurar nas varandas, janelas, fachadas de casas e vivendas da nossa base social a bandeira da Galiza.