« Atividades do mês de setembro na Fundaçom ArtábriaOrganizaçons soberanistas da Comarca convocam ruada polo Dia da Pátria este sábado »

Atividades de agosto na Fundaçom Artábria

07-08-2017

  21:06:00, por artabria   , 402 palavras  
Categorias: Concertos

Atividades de agosto na Fundaçom Artábria

Iniciamos as atividades de este mês de agosto na próxima sexta-feira 11. Às 20.30hs decorrerá a apresentaçom do livro "Non des a esquecemento" da autoria de Luís Bará.

Este livro é umha compilaçom dos artigos publicados no blogue Non des a esquecemento ao longo de quase três anos, desde inícios de 2014 até setembro de 2016. Mais sobre todo, afirma o autor no epílogo "é a resposta a umha necessidade vital: a procura da verdade e da justiça arredor das vítimas da repressom franquista na Galiza, a vontade de contar o que passou num relato emocional, subjetivo, beligerante, impregnado da memória oral, receoso dos informes oficiais e afastado também da neutralidade e da distância de muitos estudos académicos".

No sábado 12 de agosto, a música será protagonista com o concerto da Ukestra do Medio. A fabulosa orquestra de ukeleles tocarám na Fundaçom Artábria versionando clássicos de estilos tam diversos como o rock, o swing ou os boleros. Junto a elas estarám os também Os Novos, grupo punk composto por veteráns da escea rock compostelana. Os Novos apresentarám o sigle 7" "Assalto Acústico". O concerto que é de graça dará início às 22.30hs.

Na quarta-feira 16, decorrerá umha interessante palestra debate organizada por diversos ativisitas pola remunicipalizaçom dos serviços em Ferrol sob o título "a água em Ferrol: quê fazer?". Onde se abordarám diversas questons como as taxas, a remunicipalizaçom, o saneamento... O ato dará início às 20.00hs.

No 17 de agosto, e por segundo ano consecutivo, conmemoraremos o Dia da Galiza Mártir. Desta volta centraremos a homenagem na figura de Camilo Dias Valinho sem esquecer ao resto de repressaliad@s polo franquismo na nossa comarca. O ato dará início às 20.30hs no Cantom de Molíns, diante do busto do patrióta galego.
Pendentes de fechar o programa definitivo, intervirám no ato Vitor Santalha, da Fundaçom Artábria e Marcos Abalde, historiador. Haverá música da mao do cantor ferrolano Óscar Fojo e a violinista Estrela Gómez.

Na sexta-feira 18 de agosto contaremos com umha nova projeçom de diapositivas do companheiro Ernesto Lopes "Nês" sobre a história da nossa entidade. A projeçom dará início às 22.00hs.
Fecharemos as atividades deste mês de agosto na sexta-feira 25 com a apresentaçom do livro "Ser Modou Modou" da autoria do escritor galego-senegalês Cheikh Fayé e editado pola Asociación Sociopedagóxica Galega

Umha vissom sobre a Galiza dumha pessoa nascida a milheiros de quilómetros na África Atlántica. Umha mirada limpa mas também crítica sobre o nosso país e as suas gentes.
.

Sem comentários ainda

Horário de Abertura
- Segundas a sextas 10.00h-13.30h // 17.30h-feche
- Sextas e Sábados 18.00h-feche

A Associaçom Reintegracionista Artábria, nascida em 1992 em Narom, transformou-se em abril de 1998 em Fundaçom, inaugurando em setembro desse mesmo ano o seu Centro Social.

A Fundaçom Artábria está declarada de Interesse Galego e classificada de interesse cultural, com o número de inscriçom 54 e CIF:G15645518.


Para saberes mais, lê a definiçom da Artábria na wikipédia + info

Busca

Ferramentas de administraçom

  Feeds XML

powered by b2evolution free blog software