Páginas: << 1 ... 6 7 8 9 10 11 12 13 14 15 16 ... 168 >>
O passado sábado, 26 de dezembro, o júri encarregado de atribuir os prémios do ?IV Concurso Escolar Conhecendo o Apalpador? nas suas diferentes categorías, figérom público o seu falho.
Este ano participaron no concurso 120 crianças de diferentes centros de ensino da Comarca de Trasancos: Ferrol, Narom, Mugardos e Pontedeume.
Após umha complicada avaliaçom dos trabalhos recebidos, finalmente ficou da seguinte maneira:
Categoria de 3-5 anos
1.- Mario Paz Grille (3 anos) Semente Trasancos (Narom)
2.- Martinho Corredoira (3 anos) Semente Trasancos (Narom)
3. Adriana Fernández Díaz (4 anos) Apelom (Mugardos)
Mençom honorífica: Nerea Seibane Cancela (4 anos) CEIP Paços (Ferrol)
Mençom honorífica: Jimena López Diaz (4 anos) CEIP Paços (Ferrol)
Categoria de 6-8 anos
1.- Uriel Collazo Montes (7 anos) CEIP Isaac Peral (Ferrol)
2.- Martín Tominaga Otero (8 anos) CEIP Paços (Ferrol)
3.- Candela Primoi (7 anos) CEIP Isaac Peral (Ferrol)
Mençom honorífica: Izan Vieites Legarreta (8 anos) CEIP Isaac Peral (Ferrol)
Mençom honorífica: Marcos Muñiz (7 anos) CEIP Isaac Peral (Ferrol)
Categoria 9-12 anos
1.- Paula López Mella (9 anos) CEIP Paços (Ferrol)
2.- Julia Maneiros Rodríguez (9 anos) CEIP Isaac Peral (Ferrol)
3.- Anxo Grandal (10 anos) CEIP Paços (Ferrol)
Mençom honorífica: Nuria Charlin Pérez (9 anos) CEIP Paços (Ferrol)
Mençom honorífica: Nerea Maria Garcia (9 anos) CEIP Paços (Ferrol)
Mençom honorífica: Sofia González (9 anos) CEIP Isaac Peral (Ferrol)
Mençom honorífica: Rosalia Vázquez (9 anos) CEIP Isaac Peral (Ferrol)
A todos e todas queremos trasladar os nossos parabéns e os do júri e indicar que o Apalpador entregará-lhes os prémios no próximo dia 2 de janeiro às 18.30hs no nosso Centro Social.
Também queremos agradescer a colaboraçom, por primeira vez, do Concelho de Ferrol na convocatoria, assim como a das mais e pais e profesorado que ajudam a que o concurso saia adiante e as crianças conhezam um pouco mais a esta personagem do natal galego.
(Imagem Capa Sofia González, 9 anos, CEIP ISaac Peral (Ferrol)
Já nom fica nada para as ferias de inverno e com estas a chegada do Apalpador. Embora nom será até o dia 20 de dezembro quando o gigante carvoeiro estará nas ruas do bairro da Madalena e de Esteiro, já leva uns dias na nossa cidade visitando vários Centros de Ensino da comarca junto à Fundaçom Artábria.
O Apalpador quer agradescer a colaboraçom da Concelheria de Cultura de Ferrol na ruada do próximo dia 20, na que haverá surpresas para todas aquelas crianças que se acerquem a el.
O cortejo do Apalpador sairá às 16.30 do nosso Centro Social e após percorrer o bairro de Esteiro dirixirá-se ao bairro da Madalena. Animamos às mais e pais da Comarca a trazer às suas crianças para conhecer esta personagem da nossa cultura popular e até bem pouco tempo quase desconhecida.
Umha nova convocatória gastronómica decorrerá na sexta-feira 18, com o IV Concurso de elaboraçom Tortilha de patacas. Será a partir das 21.30h
Queres saber como participar?
É muito fácil: preparar umha tortilha de tamanho meio (Entre 20 e 25 cm de diametro) que, obrigatoriamente, deverá incluir ovos e patacas e trazê-la entre as 19.00 e 21.00 à Fundaçom Artábria na sexta-feira 18 de dezembro.
Poderá participar qualquer pessoa.
Podes engadir, se assim o desejares, os teus ingredientes segredos ou favoritos à base de ovos+patacas para conseguir a melhor tortilha do concurso.
Cada concursante/a apresentará umha só tortilha.
O júri popular valorará o sabor, a criatividade, a grossura, a originalidade e a apresentaçom da mesma.
Cada tortilha será identificada com um número que se anotará no exterior dum envelope fechado em cujo interior figurará a folha de inscriçom (nome da ou do concursante, apelidos, correio-e, telefone)
O falho do júri fará-se à finalizaçom da degustaçom das tortilhas.
O júri estará conformado polas pessoas que assim o desejarem pagando umha inscriçom de 3 euros que lhe permitirá degustar todas as tortilhas apresentadas.
Haverá um total de 3 prémios para @ 1º, 2º e 3º classificad@
Reproduzimos artigo de opiniom do nosso companheiro Bruno Lopes Teixeiro ao respeito da opiniom da diretora de um colégio ferrolano da normativa que emprega a nossa entidade.
Com o fim de continuar a promover o conhecimento da figura do gigante carvoeiro do Courel entre as crianças galegas, a Fundaçom Artábria convoca o VI Concurso Escolar "Conhecendo o Apalpador". Desta volta contamos por primeira vez com a colaboraçom do Concelho de Ferrol.
Animamos às crianças da comarca, e da Galiza enteira a participar no concurso.
Eis as bases do concurso
1.- Haverá três categorias. Umha primeira para crianças entre 3 e 5 anos. A segunda para crianças com idades entre 6 e 8. A terceira categoria será para crianças entre 9 e 12 anos.
2.- Para poder participar no concurso, cada criança deverá apresentar um desenho original, com qualquer material ou técnica, relativo à figura do Apalpador. O desenho será apresentado numha folha de papel de tamanho A4.
3.- Estabelecem-se 3 prémios por categoria, que consistirám num lote de produtos relacionados com a figura deste mítico personagem da mitologia galega. O júri poderá concender as mençons honoríficas que considerar oportuno, assim como declarar deserto qualquer um dos prémios.
4.- Os trabalhos candidatos aos prémios terám que ser enviados antes do 23 de dezembro de 2015 ao seguinte endereço: Fundaçom Artábria, Travessa de Batalhons nº 7, baixo. Ferrol.
5.- Para identificar os trabalhos, os debuxos deverám levar um envelope em cujo exterior se faga constar "Concurso conhecendo ao Apalpador" com os dados do curso onde está matriculad@ o concursante, e em cujo interior deve figurar o nome e apelidos, idade, curso, e centro onde está matriculado, além dumha autorizaçom do pai, mae ou tutor/a para participar no concurso.
6.- O juri será composto por 2 pessoas da Diretiva da Fundaçom Artábria e o próprio Apalpador. A decisom do júri será inapelável e dará-se a conhecer na sábado 26 de dezembro de 2015, mediante a publicaçom no nosso web: www.artabria.net
7.- Os prémios serám entregues polo Apalpador no dia 2 de janeiro no nosso Centro Social.
8.- A participaçom no concurso supom a autorizaçom expressa para a difusom das imagens.
9.- A participaçom no concurso supom a aceitaçom de todas e cada umha das presentes bases, assim como o criterio da Fundaçom Artábria na resoluçom de qualquer questom nom prevista nestas bases.
Entramos no último mês do ano e na Fundaçom Artábria queremos fechar este 2015 à grande.
Dezembro chega ao nosso Centro Social carregado de magia, música, poesia e gastronomia; além disso, e mais um ano, o Apalpador visitará a nossa Comarca nestas datas.