Estas som umhas boas datas para trazermos de volta a obra infantil publicada há anos em pdf pola Fundaçom Artábria, da autoria de dous artistas da nossa comarca: Pepablo Patinho (texto) e Leandro Lamas (ilustraçons). De mensagem ecologista dirigida a crianças e público adulto, agora podes lê-lo gratuitamente em formato de fácil leitura.

Clica sobre a imagem para a veres aumentada.

No próximo dia 30 de Dezembro, a partir das 19h00, o Apalpador sairá polas ruas do bairro de Esteiro para apalpar as barrigas d@s nen@s repartindo presentes e a música das gaitas como acompanhamento. Durante esta semana já foi visto em diferentes Comarcas da Galiza. Disponibilizamos um vídeo do jornal galego "A nosa Terra" onde é entrevistado este mítico personagem galego coincidindo com a sua passagem por Compostela. Da Artábria queremos parabenizar a Gentalha do Pichel polo sucesso que está a ter a iniciativa de socializar esta figura do Natal galego.

Full story »

A partir das 17h30, temos um obradoiro de presentes artesanais, dirigido polo companheiro Ernesto Lopes, o Nês, integrante de toda a vida da nossa entidade. A partir de diferentes materiais tais como osso de fruita, cascas de nozes, et cetera, construiremos brinquedos que o Apalpador repartirá entre as crianças.

Mais tarde, Suso Vaamonde, Xerardo Moscoso, Benedicto, Bibiano, Fujam os ventos, Saraibas, Miro Casavelha... ateigarám Artábria com os seus versos de crítica frente às injustiças e de dignificaçom da nossa cultura e língua. Será o dia das “Vozes pop e da cançom de intervençom galega”.

E POLA NOITE ABRIMOS DESDE AS 0.30, VEM TOMAR-LHE UM COPO!

Na véspera do trabalho de reparto de presentes às crianças galegas, da Fundaçom Artábria conseguimos levá-lo ao programa 'Divertimento para pequenos monstros', para fazer a apresentaçom mediática desta figura da nossa tradiçom que, ao contrário que o Pai Natal, nom se vendeu à Coca Cola. A companheira Rebeca falou com André, o conhecido apresentador da Rádio Filispim, da personagem mítica das Festas de Inverno galegas, antes de que o próprio Apalpador se achegasse e desse a surpresa, prometendo umha presa de castanhas para cada criança da nossa comarca.

Podes escuitar o programa aqui.

Pola nossa parte agradecer, mais umha vez, a André e a Rádio Filispim o trabalho que fam dando voz aos movimentos sociais.

Problemas de última hora obrigam-nos a mudar a actividade agendada para esta segunda-feira, quando Antom Cortiças ia dirigir a primeira sessom de origami. Em lugar da segunda, a actividade vai realizar-se na segunda, dia 29, à mesma hora (19 horas).

Pedimos desculpa polo atraso e esperamos que podades desfrutar da aprendizagem da elaboraçom de figuras de papel connosco na terça-feira.