A Fundaçom Artábria voltará a reivindicar a memória de Ricardo Carvalho Calero e da sua obra, como vimos fazendo cada ano quando se cumpre um novo aniversário do seu falecimento, em 1990. Mais umha vez, na terça-feira dia 25 de Março, realizaremos umha oferta floral na casa natal do intelectual ferrolano, na rua Sam Francisco do bairro de Ferrol Velho, a partir das 20h30.

Full story »

A Fundaçom Artábria segue apostando pola música em galego e de todos os estilos. O próximo sábado 29 de Março actuarám no Local Social o grupo de metal de Carvalho Fuzquenlha.
Os de Carvalho já participarom no II Concurso musical do Festival da Terra e da Língua.
O concerto começará às 22.00h e o preço do bilhete é de 3 euros e 2,5 para @s sóci@s da associaçom.
Mais informaçom de Fuzquenlha no seu myspace

A Sociedade Cultural Mádia Leva, de Lugo, acabou de aderir à campanha promovida pola nossa Fundaçom para que o Dia das Letras 2009 seja dedicado ao professor ferrolano Carvalho Calero.

@s companheir@s de Lugo realizárom um mural na rua Sam Froilám na passada semana, apoiando assim a iniciativa.

Na próxima quinta-feira, 27 de Março, contaremos com a presença no nosso Local Social de Nilda Eloi, destacada militante argentina dos direitos humanos e que foi detida-desaparecida no seu país, durante a ditadura argentina, forma parte da Associaçom ex-Detidos Desaparecidos da Argentina e na actualidade é a principal testemunha protegida do juizo contra vários repressores que se desenvolve na cidade da Prata. Nilda estará em Ourense, Compostela, Ponte Areias e Ferrol.

Full story »

Como anunciavamos a passada sexta-feira celebramos o Dia da Mulher trabalhadora na Fundaçom Artábria. A actividade co-organizada conjuntamente com as MNG consistiu num concerto acústico da cantora ferrolana Maite da Costa.
Fôrom várias dúzias de pessoas as que se passarom polo local social para celebrar com nós o 8 de Março.

Fôrom várias dúzias de jovens @s que acudirom o passado sábado ao concerto organizado pola organizaçom juvenil BRIGA no nosso Centro Social para desfrutar com o grupo punk de Carral Esterko e a escolhida selecçom musical do Heitor, Dj de Sem Fronteiras Sound Anti-Sistema.

Full story »