O reconhecido teórico marxista e militante independentista basco Iñaki Gil de San Vicente estivo na Fundaçom Artábria o passado 14 de Novembro, convidado por Primeira Linha. A palestra organizada polo partido comunista centrou-se em explicar-nos com a sua análise a a experiência revolucionária inciada em 1917 na Rússia, com motivo do nonagésimo aniversário da mesma.

Na próxima quinta-feira, dia 22 de Novembro, a nossa entidade, em parceria com a Associaçom Galega da Língua (AGAL), e contando com a colaboraçom do Ateneu Ferrolano, organiza umha palestra dedicada à figura de um ferrolano e galego ilustre: Ricardo Carvalho Calero.

Full story »

Na sexta-feira 16 de Novembro, actuarám na Fundaçom Artábria o duo Falsos Baianos, composto pol@s artistas ferrolan@s Fer Patinho e Cris Marinho, que interpretarám temas de Péricles Cavalcanti e Tom Zê.
O concerto começará às 22h e a entrada é de graça.

Na próxima sexta-feira 23 de Novembro, José Alberte Corral Iglesias apresentará no nosso Contro Social o seu último trabalho, "Buracos no espelho". A apresentaçom do livro editado pola AGAL começará às 20h.

Full story »

A Fundaçom Artábria organiza para o próximo sábado, 23 de Novembro, um Magusto popular em que haverá liscos e castanhas de graça.

Mas a degustaçom gastronómica nom acaba aí, já que organizamos o I Concurso de Petiscos de Produtos de Outono. Portanto, anima-te e traz à Artábria as tuas "delicatessem" de castanhas, cabaça ou outro produto de época.

A festa continuará com umha tradicional repichoca ártabra. Já podes reservar a data, porque contamos contigo para esse dia a partir das 21h.

A organizaçom comunista Primeira Linha, somando-se à grande quantidade de iniciativas que em todo o mundo comemoram o 90 aniversário da Revoluçom Russa, organiza no nosso Local Social umha conferência a cargo do teórico marxista basco Iñaki Gil de San Vicente.
O acto será na próxima quarta-feira 14 às 20h30.