Páginas: << 1 ... 140 141 142 143 144 145 146 147 148 149 150 ... 168 >>
Como cada ano, a noite do 23 para o 24 de Junho serviu para que a Artábria comemorasse a chegada do Verao, como é tradiçom na Galiza toda. A festa começava a meia tarde, com chouriço ao vinho de graça.
Na passada sexta-feira, como anunciamos, celebrávamos a I Festa Sing Star, que foi um grande êxito. Vários fôrom os pares que participárom, demonstrando os seus dotes de cantor ou cantora. Sem lugar a dúvidas, a "triunfita artábra" foi afinal Estela.
A Plataforma Artábra-21, da qual forma parte a Fundaçom Artábria, convoca para a próxima terça-feira, 26 de Junho, às 20h a sua Assembleia Geral Ordinária que terá lugar no nosso Local Social (Rua Batalhons nº7, rés-de-chao).
Como anunciamos em dias passados, o sociólogo basco Justo de la Cueva estivo na Artábria falando da situaçom sociopolítica actual no País Basco. Vinte e cinco pessoas assistírom à palestra, que serviu de contra-ponto às informaçons filtradas polos grandes media espanhóis referentes à realidade basca.
A Comissom Coordenadora convoca a Assembleia Geral Ordinária da Fundaçom Artábria para domingo, dia 1 de Julho, às 19h, no nosso local (Travessa de Batalhons nº 7 Ferrol) com a seguinte ordem do dia:
1.Leitura e Aprovaçom acta anterior.
2. Informaçom Situaçom Económica e Organizativa (Valorizaçom pola Assembleia).
3. Festival da Terra e da Língua.
4. Pardinhas.
5. Voluntariado.
6. Vários.
Na Fundaçom Artábria recebemos o solstício de verao com umha Festa Ska-Reagge com a presença de vários Dj´s Locais. Será desde as 0.00h do Sábado 24. Nom faltes!
<< 1 ... 140 141 142 143 144 145 146 147 148 149 150 ... 168 >>