Páginas: << 1 ... 146 147 148 149 150 151 152 153 154 155 156 ... 168 >>
16-04-2007
A gente desfrutou com o punk de Esterko
O passado sábado tínhamos umha nova actividade musical na Fundaçom Artábria. Desta vez era o grupo punk de Carral Esterko que visitava o nosso Local Social. Os da Comarca das Marinhas começavam passadas as 23.30 horas um contudente concerto com temas próprios e algumhas versons.
13-04-2007
Assembleia Geral o próximo domingo 22
Para o próximo domingo, dia 22 de Abril, foi convocada a próxima Assembleia Geral Ordinária. Começará polas 19 horas no nosso local social e, como sempre insistimos, é fundamental umha ampla participaçom para garantirmos o maior número possível de associados e associadas a participarmos das decisons.
Para tomar parte, só é necessário ter as quotas em dia. Eis a ordem do dia prevista para esta nova reuniom assemblear:
1. Situaçom económica.
2. Organizaçom.
2.1. Situaçom actual e perspectivas organizativas
2.2. Valorizaçom das actividades realizadas
3. Dia das Letras
4. Festival da Terra e da Língua
5. Perguntas e sugestons
A Comissom Coordenadora.
O grupo de punk-rock de Carral Esterko na Artábria
Mais um fim de semana musical na Fundaçom Artábria. O sábado o grupo de Carral Esterko deixaram todo o seu punk no nosso Local Social. O Concerto começará às 22.30h. e o preço do bilhete é de 2,5 euros para @s sóci@s e de 3,00 euros para público em geral.
02-04-2007
O punk-rock trasanquês de Retobato na Artábria
No próximo sábado, dia 7, visitará o Local Social da Fundaçom Artábria, mais umha vez, o veterano grupo trasanquês Retobato. O Concerto começará polas 22.30 e o preço do bilhete é de 2,5 para sóci@s e de 3 euros para público em geral.
Artábria vibrou com o rock em galego de Kastomä
Kastomä visitava-nos no passado sábado para nos deixar rock and roll do bom na Fundaçom Artábria. Soneira, Sito, David, Oscar e Xurxo demonstrárom mais umha vez que na Galiza pode fazer-se música de qualquer estilo e com certeza em galego.
01-04-2007
Categorias: Local Social, Cultura e tradiçons, Palestras e debates
Ana Maria Rios na Fundaçom Artábria
O mês de Abril vira novamente carregado de actividades na Fundaçom Artábria. Como antecipo do que vai vir, na próxima quarta-feira, dia 3, estará na Fundaçom Artábria Ana Maria Rios, conhecida popularmente como "A galega de Cancum". A de Arcade apresentará o seu livro "Voda, cárcere e fama" editado em galego pola editorial Biblos. Junto a ela estará a autora da própria biografia, a jornalista galega María José Lorenzo.
<< 1 ... 146 147 148 149 150 151 152 153 154 155 156 ... 168 >>
