Mais umha iniciativa em memória de Carvalho Calero: um grupo de sócios e sócias da Artábria figérom nesta mesma manhá um mural num muro mesmo em frente da casa natal de Carvalho. Além de reivindicarmos a sua figura e o seu legado intelectual, com esta acçom quigemos chamar a atençom sobre o ruinoso estado em que se acha o prédio, que ameaça com ruir a qualquer momento.

Full story »

A nossa entidade desenvolve neste mês várias iniciativas em lembrança do professor Ricardo Carvalho Calero e do seu ideário lingüístico. Assim, reeditamos digitalmente em PDF o caderno comemorativo do X Aniversário, que naquela altura publicáramos em papel.

Ontem mesmo figemos pública a iniciativa municipal para a restauraçom e aquisiçom da casa natal de Carvalho Calero, evitando que caia e convertendo-a num espaço para a cultura e dinamizaçom do bairro de Ferrol Velho.

Neste próximo fim de semana, convocamos-vos a participar numha série de actividades de rua e no nosso local social, dedicadas ao intelectual reintegracionista:

Full story »

A Comissom de Língua da Fundaçom Artábria acaba de apresentar, mais umha vez, umha proposta para que a Cámara Municipal de Ferrol assuma já a restauraçom da casa natal de Ricardo Carvalho Calero. Sendo esta umha velha demanda da nossa entidade, neste momento tem umha urgência quase dramática, pois o prédio está a ponto de desabar, inclusive acordoado pola Polícia municipal polo risco iminente.

Apresentamos-vos a nossa iniciativa municipal e algumhas imagens que ilustram a situaçom da casa natal de Carvalho, situada no bairro de Ferrol Velho.

Full story »

Neste fim de semana teremos dous concertos. Já anunciamos a visita do grupo ourensano de punk Ghreska para sábado, na sexta-feira a música mais tranquila de Fefi estará na Artábria.

Full story »

Dentro das actividades previstas para estes dias, em que se comemora o XVII aniversário da morte de Ricardo Carvalho Calero, oferecemos pola primeira vez em formato digital o caderno de divulgaçom sobre a sua vida e a sua obra editado pola nossa entidade no ano 2000, coincidindo com os dez anos do falecimento do velho professor.

Full story »

No próximo sábado, 24 de Março, visita o nosso Local Social o grupo de punk, ska, oi! Ghreska; será a partir das 22.30 e o preço do bilhete é de 2,5 euros para @s sóci@s e de 3 euros para o público em geral.

Full story »