Páginas: << 1 ... 158 159 160 161 162 163 164 165 166 167 168 >>
10-01-2004
''Nós mesmos'', teatro cabaret na Fundaçom Artábria
"Nós mesmos" é o título da obra de teatro que o actor Javier Santos representará na Fundaçom Artábria o sábado 31 de Janeiro às 22:30 horas. Nessa mesma noite, meia hora antes Leandro Lamas, Sílvia Casal e Pepablo Patinho farám a representaçom dum Belém vivente, que de forma breve e irónica expom umha das teorias do aparecimento do Cristianismo e dos cultos religiosos.
03-01-2004
Leilom ártabro no nosso local social
No dia 5 de Janeiro, temos nova ediçom do já famoso leilom anual, ou poxa: é o "IV Leilom da Artábria", com artigos que sócios e sócias entregam á Fundaçom para a sua venda. Quem dá mais ? CD´s, roupa, jogos de mesa, aparelhos de cozinha..... todo para quem mais oferecer...
O acto dará começo às 20:00 horas.
Brinquedos populares, palestra com Antom Cortiças
No dia 4 de Janeiro, o mestre Antom Cortiças falará dos "brinquedos populares", um acto lúdico em que Anton Cortizas, autor da obra "Chirlosmirlos. Enciclopédia de xogos populares", dará um repasso neste caso a brinquedos que desde tempos ancestrais nos tenhem acompanhados nos primeiros anos das nossas vidas.
24-07-2003
Recebendo o solstício de Verao
[youtube]bpOKVnTva3A[/youtube]
Ano após ano, a noite de 23 para 24 de Junho tem servido para que a Artábria comemorasse a chegada do Verao, como é tradiçom na nossa comarca e na Galiza toda: com grandes fogueiras, festa, sardinhas e vinho. Como mostra, oferecemos-vos este pequeno vídeo gravado no ano 2003 na fogueira ártabra do bairro de Carança.
27-06-2003
III Ediçom do Festival da Terra e da Língua
Nos últimos dias de Junho de 2003, decorreu a terceira ediçom do nosso Festival, também no naronês Moinho de Pedroso. Lembramos aqui os conteúdos do principal evento de Verao da Fundaçom Artábria.
25-05-2003
Feijoada cubana
A cozinha cubana é umha síintese crioula de influências africanas e coloniais "espanholas". Um dos pratos mais típicos é o de Feijons com Arroz, que normalmente acompanham na mesa um outro prato. Curioso é o nome que dam em Cuba a esta típica receita culinária: "Moros y Cristianos", marcando a contenda culinária entre o arroz branco e os feijons pretos num mesmo campo de batalha, que é o prato.
A receita cubana de arroz e feijom preto, quando se prepara como um só prato, vai acompanhado de mandioca com molho, saladas, bananas fritas, carne de porco e diversas frutas.
