Na próxima sexta-feira 17 de Abril, o nosso centro social acolherá um novo concerto; e, mais umha vez, os protagonistas serám músicos da comarca.

Full story »

No próximo sábado 11 de abril, às 21.30hs o Grupo de Teatro amador da Gentalha do Pichel apresentará a sua segunda proposta cénica: Idas e Vidas no nosso Centro Social. O preço da entrada é de 3 euros, 2,5 euros para as pessoas associad@s.

Idas e Vidas é um proposta escenográfica dirigida por Zé Paredes.
Assistiremos a um espaço onde persoas doentes remexem-se com desesperança num ambiente claustrofóbico. Procuram-se e conversam, nem sempre compreendendo o que dim. Tocam-se, por vezes com desejo, por vezes com aversom. Também dançam e fugem dos seus próprios medos. Mesmo beijam e atrevem-se a falar-nos de amor e sofrimento. Podem conhecer esses sentimentos fora das suas patologias?
A ritmo de diagnoses alheias, iram revelando histórias, das idas e vidas de cada quem. Algumhas seram desacougantes, causaram-nos compaixom; outras seram comúns, diriamos que poderiam ter-lhe acontecido a qualquer. Por vezes, incluso pensaremos que este ou aquela nem tam doente está, que semelha ir melhor, ter curado já. Lembraremos entom que nunca pode sanar quem nom enfermou.

O grupo de teatro amateur Teatro do Pichel foi criado no 2012, apôs o sucesso de Precárias, a sua primeira proposta cénica, voltaram surprender-nos com outra peça, experimento de criaçom colectiva, resultado de vários meses de aulas formativas.

Reproduzimos intervençom do companheiro Vitor Santalha, em representaçom da Diretiva da Fundaçom Artábria, na homenagem a Carvalho Calero.

Full story »

Pois sim amig@s "o 1 de abril vam os burros onde nom deven ir". Ontem foi o Dia dos Enganos, e quigemos fazer-vos umha pequena brincadeira, já podedes estar tranquil@s, nom toleamos!. Nem vamos participar na Semana Santa ferrolana e por suposto consideramos um disparate o gasto de 20.000 euros na "famosa" estátua
Apertas!

A Fundaçom Artábria, declarada de Interesse Galego e classificada de interesse cultural, quer fazer as seguintes valorizaçons ao respeito da polémica surgida nos últimos días na nossa cidade perante o gasto de 20.000 euros públicos na estátua elaborada por José Rubio Gascón, e que representa a figura de um pequeno cofrade.

1º.- Entendemos que a chamada ?Semana Santa? é umha festividade totalmente integrada na idiosincransia e tradiçons galegas formando parte da nossa cultura popular deste tempos de Teodomiro. Concretamente foi este rei suevo o que impulsou no I Concilio de Braga, no 561, a primeira expressom da Semana Santa ferrolana, tal e como recolhe nos seus estudos o
historiador compostelano André Seoane Antelo.

2º.- Perante isto, achamos totalmente necessário, dentro da nossa vontade de recuperar a história do Reino Suevo da Galiza, a presença de ?capuchoncito? na rua real (sueva).

3º.- Desde a Fundaçom Artábria queremos transmitir públicamente, assim como faremos nos próximos días formalmente, a disposiçom da nossa Banda de Gaitas a participar a partir do ano que vem nas procissons da ?Semana Santa? convocadas pola Junta de Cofradias. Banda de gaitas que passará a chamar-se ?Real Banda de Gaitas Suevia?

Diretiva da Fundaçom Artábria
1 de abril de 2015

O passado 25 de março, cumpria-se o vigésimo quinto aniversário do passamento do ilustre ferrolano Ricardo Carvalho Calero.

Com este motivo, e mais um ano, a Fundaçom Artábria aproveita para lembrar a sua obra e reivindicar as suas ideias com um ato o próximo domingo, 29 de março, que começará a partir das 17h ao pé da sua casa natal na Rua de Sam Francisco nº7 de Ferrol Velho.

Umha oferta floral, música e poesia darám corpo a esta sentida homenagem a umha das figuras mais importantes do nosso país.

A poesia chegará da voz de Gloria Martínez, Lam Couce, Miguel Vento e Ramiro Vidal Alvarinho.

A música tradicional virá da mao do Miguel Neira.

Vítor Santalha, em representaçom da Fundaçom Artábria, intervirá para fechar o ato.

Reproduzimos a colaboraçom da Fundaçom Artábria no "A Fondo" do semanário galego Sermos Galiza dedicado à figura de Carvalho Calero.

Full story »