A próxima sexta-feira, 21 de novembro, Filispim vai.. ao nosso Centro Social.
Desde as 20.00hs decorrerá no salom de atos da Fundaçom Artábria um programa em direto da rádio comunitária da Comarca de Trasancos.
Contaremos com música em direto com os cantores ferrolanos Óscar Fojo e Cächi e entrevistas a amig@s, sóci@s e colaboradores da Fundaçom Artábria.
Nom o podes perder, esperamos-te!

Participa como público desde as 20hs.

Na próxima sexta-feira, 14 de novembro, desfrutaremos dum novo magusto ártabro. Haverá castanhas de graça chegadas dos soutos de Santi Vidueira e espetos elaborados polo nosso Master-Chef Carlos Louro. A festa que podamos montar já é cousa tua!. Já sabes, se queres desfrutar da boa companha e aquecer nesta noite de novembro, nom podes faltar!.

Vemo-nos no magusto ártabro desde as 20.00hs.

Este sábado, 8 de novembro, desde as 13h, organizamos umha jornada gastronómica com um menu degostaçom de produtos de tempada. A nossa companheira Marisé encarregará-se da elaboraçom de Caldo de Castanhas e Bunhuelos. Podedes trazer a vossa especialidade com castanhas, cabaça... e se nom queres, nom podes ou nom sabes cozinhar mas queres disfrutar da jornada podes pagar 2 eurinhos e desfrutar do menu (repetindo as vezes que queiras!)

Vemo-nos o sábado!

Desde a Fundaçom Artábria aderimo-nos à iniciativa da Gentalha do Pichel para a realizaçom dumha consulta entre as pessoas associadas sobre o futuro político da Galiza, convocatória que terá lugar a próxima sexta-feira 7 de novembro. Poderá-se votar em horário de apertura do Centro Social. No nosso coléigo eleitoral disponibilizaremos boletins de voto e urna.

Tal e como indicam as normas da consulta, só poderám votar as pessoas associadas ou que se associem in situ à Fundaçom Artábria ou as pessoas inscritas nalgum dos nossos cursos. Poderá-se votar por correio-e até as 23.59h do domingo 9 de novembro.

A PERGUNTA
Quer que a Galiza seja um Estado?
SIM / NOM
Caso afirmativo, quer que esse Estado seja independente?
SIM / NOM

CENSO ELEITORAL
Poderá participar neste referendo qualquer pessoa associada à Fundaçom Artábria ou inscrita nalgum dos cursos que esteja ao dia no pagamento das suas quotas.
As pessoas nom associadas poderám adquirir o direito ao voto neste referendo fazendo-se ?in situ? sócias/os da Fundaçom Artábria.

VOTO EM URNA
As/Os sócias/os da Fundaçom Artábria poderám exercer o seu direito ao voto neste referendo durante a tarde-noite da sexta-feira 7 de novembro de 2014.

Para poder exercer o seu direito ao voto, a pessoa associada deverá acreditar devidamente a sua identidade (mostrando o seu B.I. galego ou espanhol, por exemplo).

VOTO POR CORREIO (ELECTRÓNICO)
Também será possível participar neste referendo enviando um e-mail para correiodeartabria@gmail.com com o assunto ?7n2014″ e a resposta ou respostas às perguntas do referendo (?SIM SIM?, ?SIM NOM? ou ?NOM?) no corpo da mensagem. Este e-mail deverá ser enviado do endereço de correio eletrónico que figure na base de dados da Fundaçom Artábria (ou de um outro que nom apresente qualquer dúvida sobre a identidade da/do remetente).

O prazo para o voto por correio electrónico começa às 00h00 da sexta-feira, dia 7, e termina às 23h59 do domingo 9 de novembro de 2014 (é dizer, que por este meio poderá votar-se ao largo de todo o fim-de-semana).

REFERENDO VIRAL
Este Referendo sobre o futuro político da Galiza quer ser um evento viral. Por isso, da Gentalha do Pichel, encorajam todos os Centros Sociais, associaçons culturais, juvenís, desportivas, de vizinhas/os, etc. que gostem desta iniciativa, a copiá-la livremente.

A próxima sexta-feira, 8 de novembro terá lugar no nosso Centro Social a apresentaçom do livro editado por Através Editora "Breve História do Reintegracionismo" da autoria Tiago Peres Gonçalves.

O ato começará às 20.30hs e contaremos com a presença do autor.

A ilustradora corunhesa, Irene Sanjuán, inaugura neste sábado, 1 de novembro, a exposiçom infantil "Pequenas histórias em aquarela".

A inauguraçom decorrerá às 20.00hs e a exposiçom poderá visitar-se até o próximo 1 de dezembro em horário de abertura do nosso Centro Social.

Irene tem colaborado com a Fundaçom Artábria e é a criadora de "Ártabra".