A próxima quinta-feira, 18 de setembro, a Escócia vivirá umha jornada histórica, no que decidirám o seu futuro livres.

Na Fundaçom Artábria queremos acompanhar à naçom irmá neste dia com umha jornada internacionalista que dará começo à volta das 19.30h.
Haverá petiscos escoceses e faremos um seguimento dos resultados do referendum num ecram ligado a algumha das canles da Escócia.

No caso de ganhar o sim, como desejamos, festejaremos a independência da pátria de Willian Wallace.

Amanhá, quarta-feira 23 de julho, celebraremos no nosso Centro Social o Dia da Pátria Galega que decorrerá o próximo 25 de julho.
Desde as 20.30h podes vir tomar-lhe um copinho e um chouriço à grelha.

Os próximos 24 e 25 de julho o nosso Centro Social permanecerá fechado polos atos do Dia da Pátria que decorrerám na capital da Galiza.

Perante o Dia da Pátria de 2014, fai suas as reivindicaçons do manifesto apresentado hoje por 13 entidades da esquerda nacional e apelamos:

1. Ao nosso povo para secundar ativamente todas aquelas iniciativas patrióticas promovidas nas vindeiras semanas ao longo da Naçom que reclamem o direito a decidir, a soberania e a independência nacional da Galiza.

2. A pendurar nas varandas, janelas, fachadas de casas e vivendas, o emblema nacional da nossa pátria, a bandeira da Galiza.

3. A reclamarmos, coletivamente, a começar polo povo Galego, o direito dos povos a viverem em liberdade, com base nos principios básicos de autodeterminaçom e de justiça.

Amanhá, quarta-feira 25 de junho, o escritor e jornalista Rodri Suárez estará no nosso Centro Social apresentando "Non temos medo" a história dos Diplomáticos de Monte Alto. Junto a Rodri estará Xurxo Souto e algumha surpresa mais. O ato dará início às 20hs.

O Bravú conseguiu algo que muitas veces se esquece na cultura: chegar à gente.? Essa é umha das ideas que defende Suárez no seu livro Non temos medo. História Oral dos Diplomáticos de Monte Alto, umha sorte de biografia conversacional na companha dos membros do grupo e dalgumhas vozes ligadas com a formaçom e o Bravú. Xurxo Souto, Rómulo Sanjurjo, Mangüí Martín, Viascón, Rivas, Pereiro ou Fran Alonso prestam a suaverba a este projeto, editado por Nicetrip.

Mais um ano, na noite do 23 para o 24 de Junho a Fundaçom Artábria comemorará o solstício de verao, como é tradiçom na Galiza toda.
A festa começará polas 20.30 e haverá música tradicional e chouriços a dous euros.

Já às 00h poderemos saborear queimada de graça.

Se ainda nom tés planos para este noite mágica, vem a passa-la connosco!