Este sábado, 21 de junho, às 22h voltam os concertos ao nosso Centro Social.

Os protagonistas deste sábado, a banda nascida entre A Corunha e Viveiro True Mountains, som dous músicos de dilatada trajetória que formarom parte de projectos como Twenty Fighters, Back to 1984 ou May Thai & Os Torino Rockets. O guitarrista e cantor Iván Pérez e o contrabaixista Nacho Martín unem o seu talento num projeto musical muito pessoal no que o punk transmuta em country e folk com umha guitarra acústica e um contrabaixo como única instrumentaçom, com ecos de Hank III, Mike Ness, Tim Timebomb Armstrong e Johnny Cash- a quem homenageiam com umha versom- mas também de Rancid e The Clash.

O concerto é gratuíto, assim que nom tés desculpa para perde-los!

Histeria teatro traz ao nosso Centro Social Hámster', do dramaturgo canguês Santiago Cortegoso. Neste "pretexto para um espetáculo de teatro físico sem cançons", o hámster macho e maila hámster femia convivem na sua gaiola. El é feliz lá dentro, e só quer contentar ao seu público, mas ela devece por sair fora e saber que há mais alá. A obra estivo já no Pichel, em Compostela, en duas ocasons, no Liceo Mutante de Ponte Vedra e no Terra de Ponte d?Eume?

Será sexta-feira, 13 de junho às 22h e a entrada gratuíta.

Já está aberto o prazo de inscriçom para o II Acampamento Urbano organizado pola Fundaçom Artábria e que decorrerá durante os meses de julho e agosto. Podes apontar-te no café-bar do Centro Social ou escrevendo para correiodeartabria@gmail.com.

Full story »

Desde a Fundaçom Artábria queremos solidarizar-nos com Carlos, aluno do IES Breamo de Ponte d'Eume e militante de AGIR vítima do fanatismo galegófobo de Galicia Bilíngüe. A direçom do centro sucumbiu às presons da organizaçom ultra abrindo-lhe um expediente informativo ao jovem independetista. O seu delito: amosar junto a dúzias de alun@s do instituto eumês a sua solidariedade com @s 12 ativistas pro-galego aos que se lhes pide 45 anos de prisom por defender com coerência a nossa língua.

Galicia Bilíngüe fora da Galiza!
#8f45anos

Noite de rock and roll este sábado na Fundaçom Artábria. Desde Ferrol chegam Weather Underground, que se definem como a "herdança dumha transoçom que nunca foi tal. Somos os filhos desarraigados da história". Eles som Oscar Kay, Mel Psycotic, Oscar Quant e Porto Rightnow.

De Compostela chegam Os Novos, grupo de punk com integrantes de Samesugas, Redulhos o Madame Germem.

O concerto iniciará às 23.00hs e a entrada é de graça.