Como cada ano com o motivo do Dia das Letras, a Fundaçom Artábria organiza umha jornada lúdico-reivindicativa o próximo 17 de maio.

Às 12.00h participaremos na ruada da Plataforma Queremos Galego em Ferrol visibilizando o reintegracionismo, conformando o "Bloco Laranja".

Umha vez finalizada a ruada, trasladaremo-nos ao nosso Centro Social onde decorrerá umha Grelhada Popular na que poderás petiscar crioulos, liscos ou assinhas de polo, a um preço de 2 euros.

Na sobremesa, tod@ aquel/a que queira participar botaremos uns jogos à versiom galega do "Time´s up" o "Acabou o tempo".

Já na noite haverá um concertaço com o duo Blues do País, que som Bieitta James e Pepe King, ou o que é o mesmo Iseo e Brais das Sacha na Horta. O concerto começará pontoal às 22h e é gratuito.

Em Trasancos, em galego!
Na Galiza, em galego!

O Estado espanhol aplica um verdadeiro cerco contra o exercício pleno dos direitos lingüísticos do povo galego, numha complexa estratégia que pretende impor definitivamente o espanhol e tem na repressom contra quem defende o nosso idioma umha das suas expressons mais claras.

A 8 de fevereiro de 2009, umha manifestaçom contra o Galego convocada por organizaçons abertamente antigalegas como Galicia Bilingüe, UPyD, PP e Falange, com autocarros transladados de fora da Galiza para reclamar a suspensom do nosso direito coletivo e individual à língua, enfrentou na capital galega a oposiçom de numerosos coletivos e pessoas que saírom às ruas em defesa do Galego.

Depois de sofrer as provocaçons dos ultras e o espancamento da Polícia espanhola, que em todo o momento lhes deu cobertura, um número significativo de galegos e galegas fomos denunciadas e enfrentamos um processo repressivo com pedido de fortes penas de prisom.

Nos próximos dias 20, 22 e 23 de maio, decorre em Compostela um desses julgamentos, contra umha dúzia de pessoas que naquela jornada protestamos contra a presença dos ultras pró-espanhol nas ruas da Galiza.

Queremos expressar o nosso agradecimento às entidades que expressárom a sua solidariedade com as pessoas retaliadas por defender o Galego e exigimos o fim da perseguiçom que o Estado espanhol exerce contra os direitos lingüísticos do povo galego.

Apelamos ao nosso povo a se solidarizar com Roberto Rodrigues Fialhega, Teto, Aurélio Lopes, Bernardo Máiz, Narciso Vasques, Xiana Rodrigues, Alexandre Rios, Abraám Alonso, Santiago Mendes, Joám Peres, António Fernandee, Alexandre Blasco e Roberto Conde, participando na concentraçom que vai ter lugar no dia 20 de maio às 9:00 h. às portas dos Julgados das Fontinhas em Compostela.

Nom vamos permitir mais agressons contra a nossa língua nem contra a dignidade nacional galega.

Defender a língua nom é delito!

A Fundaçom Artábria organiza para o próximo 7 de junho umha viagem à Comarca do Deza, concretamente ao Museu Etnográfico a "Casa do Patrom" sediado na paróquia de Doade.

Full story »

Na próxima sexta-feira 9 de maio, a partir das 20hs, decorrerá no nosso centro social a apresentaçom do livro 'Como ser reintegracionista sen que a familia saiba' com a presença do autor Eduardo Sanches Maragoto.

Full story »

No passado domingo vári@s amig@s e sóci@s da Fundaçom Artábria elaboravam o seu maio no bairro de Canido, concretamente na Praça da Tafona. Várias fôrom as pessoas que colaborarom de umha forma ou outra na elaboraçom do Maio.

Queremos agradecer a @piorno_gz a copla que nos adicou. Muito obrigad@s!

No Canido de Ferrol,
foi feito um Maio à medida,
e ao remate do trabalho,
o Apalpador ganhou vida.

Maio velho, Maio novo,
do Canido à Riba d'Ávia,
nom há Maio mais fermoso
que o lindo Maio da Ártábria.

A continuaçom deixamos umha crónica fotográfica da jornada.