Esta sexta-feira, 14 de março, a partir das 23hs decorrerá no nosso Centro Social umha nova Foliada com a atuaçom de três grupos: Grupo de Gaitas Aresáns, Os Xotas e No Cómbaro a seguir... repichoca ártabra!
Traz o teu instrumento e soma-te à festa!

Este passado 8 de março, várias das sócias da Fundaçom Artábria saímos às ruas de caminho ao mercado para transmitir a todas as ferrolanas trabalhadoras o nosso reconhecimento.

Full story »

O próximo 8 de março, as companheiras da Fundaçom Artábria sairemos à rua para reivindicar o Dia da Mulher Trabalhadora, e o faremos reconhecendo o trabalho de essas mulheres que dia após dia luitam polo seu direito a trabalhar, por ter igual salário por igual trabalho, por ser donas do seu corpo e da sua vida e que nom vam permitir que ninguém lhes diga o que tenhem ou nom tenhem que fazer.

Nestes tempos, no que a ofensiva do patriarcado contra os direitos conquistados com anos de luita feminista mostraremos o nosso mais sinceiro reconhecemento às mulheres trabalhadoras apresentando flores lilás, tal e como se fixo históricamente na Uniom Soviética.

Vemo-nos nas ruas!

DIA INTERNACIONAL DA MULHER TRABALHADORA:

Foi em um 8 de março de 1857, quando as trabalhadoras de umha fábrica de tecidos saíram às ruas para reivindicar melhores condiçons laborais. Umha manifestaçom reprimida com umha forte violência que as levaria a encerrar-se na mesma fábrica onde 130 delas morreriam queimadas.

Hoje continuamos sofrendo piores salários, jornadas excessivas, discriminaçons, violências... pois embora muito fosse conquistado desde aquele 1857 muito também fica para mudarmos a história e chegar à igualdade real.

Por isso esta jornada queremos que seja a tua; mariscadora, peixeira, verdureira, carniceira, limpadora, fruteira, padeira, vendedora... Porque tu és a nossa história viva, és a valentia em pessoa, és a luitadora incansável, és a trabalhadora irredutível.

Há mais de umha década que a Fundaçom Artábria vinha anunciando o que finalmente aconteceu. Progressivamente, a casa natal de um dos mais importantes nomes da cultura galega nascidos em Ferrol foi apodrecendo e caindo aos pedaços. Ano após ano desde inícios da década de 90, a nossa entidade homenageou Ricardo Carvalho Calero ali, pedindo de maneira reiterada que os sucessivos governos municipais, que já estivo em maos ?em diferentes etapas? de todos os partidos hoje presentes na corporaçom ferrolana, assumissem a restauraçom do edifício.

A resposta fôrom boas palavras, promessas incumpridas e escassas concreçons, umha das quais supujo o gasto de 350 mil euros públicos para adquirir o prédio. Porém, a falta de continuidade na iniciativa de recuperaçom desse pedaço do nosso património levou a que agora, quando havia mais 168 mil euros comprometidos para umha atuaçom inicial que nom chegava, o edifício tenha colapsado polo efeito do mau tempo e do seu estado ruinoso.

Da Fundaçom Artábria nom podemos deixar passar este triste dia sem denunciar o que este acontecimento vem significar: as instituiçons públicas desprezam o património nacional galego, deixando-o esmorecer enquanto desviam fundos milionários para a promoçom da cultura-lixo espanhola.

Como vizinhos e vizinhas de Ferrol, consideramos os atuais governantes do PP máximos responsáveis pola derrocada desse pedaço da nossa história e apelamos ao conjunto da vizinhança de Ferrol para que deixemos de dar cobertura a uns governantes que constituem a negaçom do interesse público comum.

Fazemos extensiva a nossa denúncia ao estado geral de um bairro, o de Ferrol Velho, que é umha parte fundamental da história de Ferrol e que sofre umha decadência insuportável, ilustrativa da situaçom geral do Concelho de Ferrol, em maos de umha classe dirigente inepta e alheia aos interesses da maioria do nosso povo.

Contra ela e as suas políticas, a Fundaçom Artábria continuará a fazer trabalho de base em defesa da língua, da cultura e dos direitos nacionais da Galiza, como até agora temos feito durante as últimas duas décadas.

Ferrol, 4 de março de 2014

Por questons logísticas acordamos adiar a ceia de entruido para sexta-feira 7 de março às 22h, polo que o prazo para apontar-se continua até quinta-feira 6 de manhá.

Desculpade as molestias!

8 de março
22.30h

Neste sábado skatálico por partida dupla contaremos com Trapalhada e Tardepiache.
Após vários intentos falhidos de apresentar o seu disco "Pedras no Caminho", os de Monte Alto estarám mais umha vez no nosso Centro Social para deixar os seus melhores acordes.
@s de Corunha estarám acompanhad@s polos Tardepiache, que também repitem no nosso Centro Social. No seu primeiro concerto na Fundaçom Artábria, o grupo trasanquês deixou claro o seu estilo e a sua capacidade para fazer mover o nosso corpo.

A entrada será de graça, assim que nom podes perde-lo!