7 de março
20.30h

Na sexta-feira, 7 de março, conheceremos um pouco mais as tradiçons do Entruido na Galiza, concretamente a recuperaçom da figura viguesa de O Merdeiro.

A jornada dará início com a projeçom do documentário "Os merdeiros, a recuperaçom" e posteriormente haverá umha palestra, na que participarám Breixo Parcero e Vanessa Rodríguez, da equipa de direçom do documentário; e Júlio Saiáns, ativista cultural que trabalho na recuperaçom do merdeiro.

O próximo sábado, 1 de março, celebraremos o Entruido no nosso Centro Social com umha ceia e posterior festa de disfarces com Galeoke.

A ementa da ceia consistirá em sopa, cozido, sobremesa, vinho e água. O preço do prato é de 15 euros por pessoa, 12 se vês com disfarce, e 10 eurinhos se o disfarce é de benemérito.Podes apontar-te no balcom do café-bar ou no correio-e: correiodeartabria@gmail.com.

A directiva da Fundaçom Artábria vem de aprovar os novos horários de apertura do café-bar, que entrarám em vigência a partir do próximo dia 3 de Março (segunda-feira).

Serám os seguintes:

de SEGUNDAS a QUINTAS: 17.00h - 23.00h
SEXTAS e SÁBADOS: 18.00h - 02.00h

15 de fevereiro
20.30hs

Video-forum com a projeçom de "A ceo aberto" e "Rosa de Corcoesto" com Xosé Bocixa

O próximo 15 de fevereiro cumprem-se 37 anos dum dos capítulos de luita popular mais importantes do nosso país.

Numha manhá que amenceu cheia de orvalho, centos de camponeses/as, maioritariamente mulheres, subirom a Pau Ranhau defender as suas terras.

Douscentos guardas civís tinham a ordem de cumprir o trámite burocrático da expropiaçom. As imagens daquel dia derom a volta ao mundo. Os camponeses, quase tod@s já velhos, resistiam as carregas e negávam-se a abandonar as suas terras.

A solidariedade com a vizinhança das Encrobas começou chegar dedde todos os pontos do pais. Dias depois Fenosa aceitou sentar cos labregos para procurar umha saída negociada à situaçom. Naquelas terras ergue-se hoje o enorme buraco da mina de lignito e, a poucos metros, as chimineas da central térmica de Meirama.

14 de fevereiro
20.30hs
Apresentaçom do livro "Lembranzas dunha vida" com a autora Francisca Rodríguez Cabanas

"Agarimosa amostra de experiências vitáis, através de relatos fugazes, que refletem as vivências de umha mulher, nada nos anos trinta do século passado. Lembranças que nos levam por corredoiras antigas do Reino da Galiza. Pinceladas duras da dura vida no rural; a escola, a dura procura de recursos, os casamentos de familiares, a cozedura do pam, os banhos nas praias, os desastres da tuberculose, lembrando as costureiras, a matança do porco, os nascimentos e a morte através dos conhecidos, etc, etc. Documento etnográfico, com mais de noventa pequenos fragmentos de outros tempos que, apesar da morrinha de alguns e de algumhas, nom voltarám mais. Outra estimada aperta à Cultura Galega."

No próximo mês de março daremos início a um curso de Ioga Infantil para familias. Os horários se concretizariam com a professora, mirando a disponibilidade das pessoas apontadas.

O preço será de 12?/mês para pessoas nom sóci@s, 10?/mês para gente associada e de 5?/mês para desempregad@s sejam ou nom sóci@s.

Durante o que resta do mês de fevereiro, as pessoas interessadas em participar deverám passar polo nosso Centro Social e fazer umha pré-inscriçom ou bem ligar para o número 635 074 071. Também podedes receber mais informaçom escrevendo para o correio-e: correiodeartabria@gmail.com.

azer Ioga em família implica divertir-se através dum esforço consciente. Integrando pouco a pouco as asanas c@s filh@s permite fusionar-nos na ledícia e jogo que se gera nas sessons. As crianças nascem livres e conscientes, de nós depende preservar essas virtudes para afrontar as inevitáveis circunstáncias da vida