Como cada ano, neste voltamos a levar à rua Sam Francisco a nossa homenagem a Ricardo Carvalho Calero. A iniciativa lançada há já longos anos pola Fundaçom Artábria nunca faltou e neste ano voltamos a levar a memória, a poesia e a reivindicaçom lingüística ao bairro de Ferrol Velho onde nasceu, em 1910, um dos grandes da nossa cultura nacional.

Será no dia 24 de março, domingo, a partir das 12 horas, contando com poesia, música e umha oferta floral aos pés da que foi casa natal de Carvalho Calero.

Se bem o ato da rua Sam Francisco foi sempre de caráter cívico e carente de qualquer incidente, no ano passado o Governo municipal do PP decidiu mandar a polícia local para evitar que se realizasse a concentraçom. Naturalmente, o ato fijo-se, ainda que rodeado por efetivos da polícia que, polos vistos, nom tinham outras tarefas mais importantes que desenvolver.

Finalmente, dous companheiros, Joám Lopes e Ernesto Lopes, fôrom identificados e multados como represália contra a nossa entidade, por mantermos a iniciativa, como cada ano. Polos vistos, o governo do PP considera que um grupo de vizinhos e vizinhas nos reunamos para afirmar a nossa galeguidade e homenagear as figuras da história local e nacional representamos umha ameaça.

Da Fundaçom Artábria queremos aproveitar a convocatória deste ano para pedir aos e às participantes que ajudem a afrontar o pagamento da multa de 300 euros imposta aos companheiros devido à realizaçom da mesma homenagem há um ano. Temos notícias de que o Governo municipal pode inclusive querer repetir a mesma atuaçom repressiva, o que consideraríamos umha grave agressom à liberdade ideológica, de expressom e de reuniom.

Seja como for, convidamos os ferrolanos e ferrolanas a vir à rua Sam Francisco, homenagear o escritor, lingüista e intelectual desaparecido em 1990, e reafirmar a firmeza com que manteremos as nossas iniciativas nas ruas de Ferrol, independentemente da opiniom que podam ter José Manuel Rei e a sua polícia municipal.

O próximo sábado 30 de Março celebraremos a I Jam Session Ártabra. A cita terá lugar no nosso centro social a partir das 22.30h e faremos um repasso pola história do rock'n'roll anglo-saxom desde os ano '50 até os nossos dias.

Full story »

Na próxima sexta-feira, 15 de março, às 20hs no local da Associaçom de Vizinhança de Esteiro, e organizado pola Fundaçom Artábria, o professor Carlos Velasco apresentará o seu último trabalho "Franquismo serôdio e transiçom democrática na Galiza (1960-1981)" editado por Laiovento.

Full story »

Há um antes e depois do ano 1972 na Galiza, no que ao movemento operário e estudantil se refere. Após quarenta e um anos dos acontecimentos de 10 de Março, onde a classe obreira galega foi protagonista da luita popular, desde o Coletivo Chimarrão e a Fundaçom Artábria queremos contribuir à comemoraçom desas grandes jornadas de resistência ocorridas na nossa comarca e nas quais caírom abatidos os trabalhadores Amador Rei e Daniel Niebla, vítimas dos disparos da polícia fascista.

É com este motivo que apresentamos umha série de atividades para dar conteúdo à nossa humilde homenagem à Classe Obreira Galega.

Full story »

Amanhá, sábado 22, às 18hs Estagiario Raçá e o seu alumnado realizará umha exibiçom de Capoeira no nosso Centro Social.

E se gostas desta mistura de arte-marcial, desporte, cultura popular e música podes apontar-te as aulas que decorrerám proximamente na Fundaçom Artábria segundas e quartas-feiras. Haverá grupos para crianças e adultos e o preço da inscriçom será de 20 euros/mês.

A Fundaçom Artábria fai neste ano 2013 quinze anos desde que abriu o seu Centro Social e iniciou as suas atividades como Fundaçom de Interesse Galego em Ferrol.

Full story »