Páginas: << 1 ... 46 47 48 49 50 51 52 53 54 55 56 ... 168 >>

03-12-2012

  20:34:39, por artabria   , 0 palavras  
Categorias: Concertos

Já chega a festa mais esperada: Recebe 2013 na Fundaçom Artábria

Já estamos a só 28 dias para a festa mais esperada, a festa de passagem de ano! Mais um ano, todas as pessoas que procuram um final de ano alternativo tenhem a possibilidade de desfrutar no nosso Centro Social desta festa que nos últimos tempos convertemos em temática.

E a de este ano vai ser dedicada às TRIBUS URBANAS. Já sabes, desde Canis, até góticas, passando por rockers ou punks tenhem sítio no nosso Centro Social na noite do dia 1 desde a 1 da manhá (hora espanhola)

Como sempre haverá cotilhom, boa música, preços populares e prémios ao melhor disfarce individual e colectivo. Todo isso e muito mais para começarmos o ano EM GALEGO.

01-12-2012

  12:24:00, por artabria   , 18 palavras  
Categorias: Concertos

Imagens do concerto de Collón de Lola

Galeria gráfica do concerto de Collón de Lola que lotou o nosso Local Social o passado 10 de novembro.

29-11-2012

  01:55:20, por artabria   , 300 palavras  
Categorias: Concertos, Cultura e tradiçons

Fundaçom Artábria convoca o I Concurso Escolar "Conhecendo o Apalpador"

Com o fim de promover o conhecimento da figura do Apalpador entre as crianças galegas, a Fundaçom Artábria convoca o I Concurso Escolar "Conhecendo o Apalpador", o qual se rege polas seguintes:
BASES
1.- Haverá duas categorias. Umha primeira para crianças entre 3 e 6 anos. A segunda para crianças com idades entre 7 e 12.

2.- Para poder participar no concurso, cada criança deverá apresentar um desenho original, com qualquer material ou técnica, relativo à figura do Apalpador. O desenho será apresentado numha folha de papel de tamanho A4.

3.- Estabelecem-se 3 prémios por categoria, que consistirám num lote de produtos relacionados com a figura deste mítico personagem da mitologia galega. O júri poderá concender as mençons honoríficas que considerar oportuno, assim como declarar deserto qualquer um dos prémios.

4.- Os trabalhos candidatos aos prémios terám que ser enviados antes do 21 de dezembro de 2012 ao seguinte endereço: Fundaçom Artábria, Travessa de Batalhons nº 7, baixo. Ferrol.

5.- Para identificar os trabalhos, os debuxos deverám levar um envelope em cujo exterior se faga constar "Concurso conhecendo ao Apalpador" com os dados do curso onde está matriculad@ o concursante, e em cujo interior deve figurar o nome e apelidos, idade, curso, e centro onde está matriculado, além dumha autorizaçom do pai, mae ou tutor/a para participar no concurso.

6.- O juri será composto por 2 pessoas da Diretiva da Fundaçom Artábria e o próprio Apalpador. A decisom do júri será inapelável e dará-se a conhecer na terça-feira 25 de dezembro, mediante a publicaçom no nosso web: www.artabria.net

7.- Os prémios serám entregues polo Apalpador no dia 28 de dezembro no nosso Centro Social.

8.- A participaçom no concurso supom a autorizaçom expressa para a difusom das imagens.

9.- A participaçom no concurso supom a aceitaçom de todas e cada umha das presentes bases, assim como o criterio da Fundaçom Artábria na resoluçom de qualquer questom nom prevista nestas bases.

19-11-2012

  01:40:44, por artabria   , 76 palavras  
Categorias: Documentos, Movimentos sociais

Solidariedade com a Palestina

Como entidade com valores internacionalistas e solidários, desde a Artábria queremos denunciar mais umha brutal ofensiva militar realizada polo estado terrorista de Israel contra a Faixa de Gaza e os demais territórios palestinianos ocupados.

É com este motivo, que a Fundaçom Artábria quer manifestar a sua solidariedade com o povo palestiniano e chama à sua base social, a participar na concetraçom convocada em Ferrol para amanhá, segunda-feira, 19 de novembro, às 20.30hs na Praça de Amada Garcia.

13-11-2012

  15:05:10, por artabria   , 220 palavras  
Categorias: Local Social, Movimentos sociais

Fundaçom Artábria soma-se à Greve Geral de 14-N

Diante das gravíssimas agressons que de maneira planificada estám a sofrer a classe trabalhadora galega, incluindo ataques a coberturas e direitos sociais e laborais adquiridos com décadas de luitas das geraçons que nos precedêrom, a Fundaçom Artábria quer manifestar o seu incondicional apoio à Greve Geral convocada para amanhá, 14 de novembro. O nosso Local Social permanecerá fechado durante toda a jornada.

Full story »

11-11-2012

  00:35:37, por artabria   , 64 palavras  
Categorias: Gastronomia, Cultura e tradiçons

Magusto e Repichoca a próxima sexta-feira, 16 de novembro

No próximo 16 de Novembro, sexta-feira, desfrutaremos dum novo magusto ártabro. Haverá castanhas de graça e petiscos a preços populares todo regado de vinho. E depois das castanhas chegarám os acordes da música tradicional com umha nova repichoca. Se queres participar só tés que trazer o teu instrumento!
Já sabes se queres desfrutar de boa companha e aquecer nesta noite de Novembro, nom podes faltar!

<< 1 ... 46 47 48 49 50 51 52 53 54 55 56 ... 168 >>

Horário de Abertura
- Segundas a sextas 10.00h-13.30h // 17.30h-feche
- Sextas e Sábados 18.00h-feche

A Associaçom Reintegracionista Artábria, nascida em 1992 em Narom, transformou-se em abril de 1998 em Fundaçom, inaugurando em setembro desse mesmo ano o seu Centro Social.

A Fundaçom Artábria está declarada de Interesse Galego e classificada de interesse cultural, com o número de inscriçom 54 e CIF:G15645518.


Para saberes mais, lê a definiçom da Artábria na wikipédia + info

Busca

Ferramentas de administraçom

  Feeds XML

powered by b2evolution free blog software