Oink, há alguém aí? No próximo sábado, 10 de novembro, lembraremos muitos e muitas de nós a nossa infáncia na Fundaçom Artábria. Aquelas tardes de chuva em que chegávamos da escola para ligar a TVG, enquanto tomávamos a merenda, e desfrutávamos com Arale, Goku ou Oliver e Benji, mas também para ver e ouvir as nossas primeiras músicas em galego.

Full story »

Tendo conhecimento nas últimas horas da confirmaçom da liberdade de Sílvia após umha detençom injustificada que a levou a centenas de quilómetros da Galiza de maneira arbitrária, como finalmente pudemos comprovar, a Fundaçom Artábria quer manifestar a sua satisfaçom pola recuperaçom da liberdade por parte de Sílvia.

Full story »

A Fundaçom Artábria, entidade legal e conhecida por desenvolver a sua atividade pública em defesa da língua e da cultura da Galiza na Terra de Trasancos desde o ano 1998, quer manifestar publicamente a sua solidariedade com Silvia Casal e Júlio Saiáns, vizinha e e vizinho da nossa comarca detidos num operativo policial anteontem em Narom.

Full story »

Na próxima quarta-feira, 31 de outubro, vem celebrar connosco o Samhaim. Desde as 20.00hs decoraremos cabaças, faremos colares de zunchos... nom podes perdê-lo!

A Fundaçom Artábria quer somar a sua voz à de aqueles e aquelas que já manifestárom o seu apoio solidário ao grupo de galegos que a partir do dia 23 som julgados em Compostela pola sua participaçom na jornada em defesa da língua que a 8 de fevereiro de 2009 decorreu em Compostela.

Naquele dia, numerosos coletivos, entre eles a própria Artábria, protestárom pola impunidade com que a extrema-direita espanhola defendeu nas ruas de Compostela a imposiçom do espanhol e a sua supremacia sobre o idioma da Galiza.

Consideramos, como muitos e muitas galegas, que a defesa da nossa língua é um dever inescusável para qualquer galego ou galega digna de tal nome. É nessa medida que reconhecemos o papel de pessoas como as que a justiça espanhola vai julgar por simplesmente assumirem um compromisso claro com o idioma nacional do nosso país.

A Fundaçom Artábria reclama a absolviçom dos companheiros e exige o fim da repressom contra quem defende os direitos lingüísticos do nosso povo.

Trasancos, 22 de outubro de 2012

Já temos disponível o áudio da palestra que decorreu ontem mesmo no nosso Centro Social, na qual o professor Carlos Taibo falou sobre a natureza essencialista e reacionária do nacionalismo espanhol, cuja existência é tantas vezes negada, apesar da sua clara caraterizaçom. Mais fotos no interior.

Full story »