"Em primeiro de Abril vam os burros aonde nom devem ir"

Na passada semana @s sóci@s da Fundaçom Artábria tinham umha assembleia geral extraordinária, com um só ponto na ordem do dia: O Festival da Terra e da Língua.

Full story »

A Fundaçom Artábria fechará as suas portas o próximo 29 de março para secundar a greve geral convocada, entre outros, polo sindicalismo nacional e de classe.
Fazemos um apelo à nossa base social a participar ativamente nesta jornada de luita.

Avante a greve geral!

Foi a inícios da década de 90, poucos anos depois da morte de Carvalho Calero, que a nossa entidade, na altura Associaçom Reintegracionista Artábria, começou a convocar concentraçons anuais de homenagem à figura do ilustre ferrolano e galego universal.

Full story »

No próximo dia 25 de março, cumpre-se o vigésimo segundo aniversário do passamento do inteletual ferrolano Ricardo Carvalho Calero, teórico e grande pensador do reintegracionismo, além de fecundo autor literário e científico e representante do nacionalismo histórico galego.

Desde a Fundaçom Artábria; como entidade que nasce, em grande parte, para continuar com o legado deixado por Carvalho, aproveitamos para lembrar a sua obra e reivindicar as suas idéias com um ato de Homenagem, que decorrerá a carom da sua casa natal, na Rua de Sam Francisco, nº51, de Ferrol Velho na sexta-feira, 23 de março às 20hs e que contará com umha oferta floral, diversas intervençons e um recital poético.

No próximo sábado, 17 de março, contaremos no nosso Centro Social, com a atuaçom da cantora corunhesa Sés, acompanhada polo guitarrista Tito José Calvinho.

O concerto dará começo a isso das 23h e a entrada será gratuita.

Com motivo do quadragésimo aniversário dos acontecimentos de Março do 72, onde primeiro na nossa cidade e depois em Vigo emergiu a classe obreira como protagonista na luita popular, na Fundaçom Artábria queremos contribuir para a comemoraçom das grandes jornadas de luita ocorridas na nossa comarca e nas quais fôrom abatidos os trabalhadores de Bazán Amador Rei e Daniel Niebla, vítimas dos disparos da polícia fascista.

É por isso que organizamos umha série de atividades para dar conteúdo à nossa humilde homenagem à Classe Obreira Galega.

Full story »