Como informavamos há dias, a nossa entidade chamava a participar os diferentes centros sociais e associaçons culturais reintegracionistas conjuntamente na manifestaçom nacional que hoje percorreu as ruas da capital da Galiza num bloco diferenciado dentro da própria manifestaçom.
O Centro Social Gomes Gaioso, a Associaçom Cultural O Facho, Baiuca Vermelha, Semente Vermelha, ACO Maçarico e Centro Social Henriqueta Outeiro aderírom à iniciativa da Fundaçom Artábria, conformando junto à base social reintegracionaista o "bloco laranja" dentro da mobilizaçom.

Nom há dúvida da necessidade de fazer notar a existência de umha importante base social defensora da unidade lingüística na prática, além da retórica teórica. Quem todo o ano trabalha polos objectivos teorizados polo ferrolano Carvalho Calero deve estar em cada mobilizaçom de rua reivindicando passos firmes nessa direcçom.

Neste 17 de Maio, mais umha vez, aí estivemos, por umha Galiza em galego, pola unidade da língua e a sua plena normalizaçom.

Pola primeira vez, a Fundaçom Artábria recebeu o Dia das Letras, no passado dia 14, com um concerto de música galega no centro da nossa cidade.

Full story »

A Fundaçom Artábria, mais um ano, quer mostrar a sua adesom ao acto unitário em defesa da nossa língua que decorrerá no próximo sábado 15 de Maio, às 18h, na praça Rosalia de Castro.

Na Galiza só em galego!

Com motivo do Dia das Letras a Fundaçom Artábria organiza umha jornada lúdica-reivindicativa a próxima sexta-feira 14 de Maio.

Às 20.30h terá lugar um passa-ruas que sairá da Praça do Hino Galego e rematará no Cantom de Molins após percorrer o bairro da Madalena.

Posteriormente, às 22.00h decorrerá um concerto no Cantom de Molins com as actuaçons de Ugia Pedreira e Fred Martins, Ataque Escampe, Arenga, Garcia MC e Trapalhada.
Por suposto será de graça. Contaremos com carpa e balcom com preços populares.

A iniciativa da Fundaçom Artábria centros sociais e associaçons culturais reintegracionistas participarám conjuntamente na manifestaçom nacional convocada 17 de Maio pola plataforma Queremos Galego. A cita é na Alameda de Compostela às 11.30 horas na estátua das "Marias". Sob a legenda "Na Galiza só em galego" o bloco laranja defenderá o monolingüismo social e o reintegracionismo lingüístico.
Para mais adesons encaminhar um correio a correiodeartabria@gmail.com.