Em condiçons normais, nengum povo precisa de dedicar especiais esforços a defender o uso da sua língua. Para nós, galegos e galegas, o uso normalizado do idioma que os nossos antepassados criárom há muitos séculos atrás é hoje quase umha heroicidade.

Som inumeráveis os obstáculos que as normas legais e institucionais nos colocam, com um único objectivo, marcado há muito tempo por quem nos nega como povo diferenciado: que se consume a substituiçom lingüística e o galego passe à história em favor da língua do Estado espanhol.

A verdade é que o quadro jurídico sempre favoreceu a imposiçom do espanhol, apontando falsas concessons ao galego, com base no chamado ?bilingüismo harmónico?. Hoje sabemos que a ?harmonia bilingüista? conduziu para os níveis mais baixos de uso social do galego de toda a história. Quantos nenos ou nenas galegofalentes conheces em Ferrol? É um conto com final feliz... para o espanhol.

Agora que o galego está socialmente enfraquecido devido a essas falsas políticas normalizadoras, o PP pretende, à frente da Junta da Galiza, pisar o acelerador da imposiçom do espanhol. Nom podemos permiti-lo. A resposta social que se tem dado neste último ano deve alargar-se e continuar até a derrota da política lingüística do PP, a começar polo novo Decreto de ensino que quer impor a partir do próximo ano académico.

Claro que, para sermos claros, as políticas contrárias ao galego nom som aplicadas só polo PP. No nosso concelho, a sucessom de governos de todas as cores nom seriviu em nengum caso para dar ao galego o lugar que lhe corresponde em Ferrol. Nem sequer a aprovaçom unánime de umha Ordenança de Normalizaçom, há mais de umha década, foi seguida da aplicaçom dos pontos ali recolhidos, que poderiam ajudar a socializar o uso do nosso idioma.

Nem nos cargos públicos, nem no funcionariado, nem na projecçom pública do trabalho institucional... em Ferrol, o actual governo, como os anteriores, abandona o galego à sua sorte, utilizando-o só às vezes e de maneira subsidiária em relaçom ao espanhol, estendendo umha mensagem muito negativa à sociedade, fazendo aparecer o espanhl como o ?verdadeiramente importante?.

Só a própria sociedade organizada poderá dar a volta a umha situaçom tam complicada como a que o galego atravessa, em Ferrol e na Galiza. Por isso, mais umha vez, a Fundaçom Artábria quer visibilizar o compromisso das ferrolanas e ferrolanos com o nosso idioma, saindo à rua para defender o direito colectivo à língua.

Porque nom queremos ser tratadas nem tratados como ?objectores? ou excepçom à regra do espanhol obrigatório. Queremos compromissos claros e concretos de cada instituiçom com o galego como idioma próprio da Galiza.

Esse é o objectivo do passa-ruas reivindicativo que convocamos para este 14 de Maio, poucos dias antes do Dia das Letras Galegas.

Convidamos as entidades e pessoas que em Ferrol coincidem nesse afám normalizador do galego para, juntas e juntos, reclamarmos aos poderes públicos umha nova política lingüística que ajude a devolver o galego ao seu legítimo proprietário: o povo galego.

A Fundaçom Artábria junto à AssociaçomVizinhal de Esteiro e o Fervesteiro organizamos a elaboraçom dos Maios. A cita será às 12.30h o próximo sábado, 8 de Maio, na Praça do Hino galego. Podedes trazer as vossas flores, verde, e froitas para ajudar a decora-lo.

O próximo sábado, 8 de Maio, contaremos no nosso Local Social com umha espectacular noite de Hard Core em galego com os vigueses Sem Resposta e Rojo 2.
O concerto começará às 22h e tem um bilhete de 4 euros, 3,5 euros se és associad@ da Fundaçom Artábria.

+ info:
http://www.myspace.com/semrespostahc
http://www.myspace.com/rojo2coia

Neste 1º de Maio abrimos o nosso Local Social após a mobilizaçom da CIG para compartir nesta jornada de festa e luita uns copos e uns petiscos.

Viva o Dia do Internacionalismo Proletário!
Viva a classe obreira galega!

Como umha imagem vale mais que mil palavras, deixamos esta galeria fotográfica de como decorreu a semana portuguesa em homenagem à Revoluçom dos Cravos.

Do 20 ao 25 de Abril celebraremos no nosso Local Social a Revoluçom de Abril, com umha semana dedicada ao nosso país irmao.
Durante 5 dias poderás degustar produtos típicos como as aceitonas pretas ou a manteiga dos Azores entre outros.

A semana complentará-se com várias projecçons além dumha palestra sob o título "A revoluçom dos Cravos" do nosso companheiro Joám Lopes, sócio da Fundaçom Artábria e Licenciado em História pola UNED. Será a quarta-feira, 21 de Abril, às 20h.

Encerraremos esta semana temática com umha ceia com ementa portuguesa o sábado 24 às 22h.
Podes apontar-te encaminhando um correio-e a correiodeartabria@gmail.com ou no café-bar do Local Social.