Páginas: << 1 ... 83 84 85 86 87 88 89 90 91 92 93 ... 168 >>
24-01-2010
A exposiçom dedicada a Carvalho Calero começou tourné por centros de ensino da Galiza
A exposiçom foto-textual sobre Carvalho Calero partiu do nosso Centro Social para ser levada a diferentes centros de ensino da Galiza. A pedido da entidade estudantil AGIR, e depois de vários meses patente na cafetaria da Fundaçom Artábria, os painéis que formam a exposiçom dedicada ao grande autor ferrolano foi já exposta no liceu Gelmires I, de Compostela. Nas próximas semanas estará noutros centros de secundário galegos, numha iniciativa que coincide com o I Centenário do nascimento de Ricardo Carvalho Calero.
19-01-2010
Miguel Alonso apresentará o seu novo trabalho este sábado na Artábria
O próximo sábado contaremos na Fundaçom Artábria com o cantor ferrolano Miguel Alonso acompanhado de Fucoxabier que apresentará o seu novo trabalho "Once máis 15".
"Once máis 15", é un livro-disco editado por Edicións do Cumio, no que 15 grupos e solistas musicam 15 poemas de 11 poetas galegos
O concerto começará às 22h e ten yn oreço de 3,5 euros para pessoas associadas e de 4 euros para nom sócias.
16-01-2010
Abre-se prazo para cursos no Centro Social da Fundaçom Artábria
A Artábria retoma a actividade de cursos sobre assuntos propostos por pessoas interessadas nas diferentes temáticas que, finalmente, conseguimos organizar. De partida, haverá actividades formativas de Língua, Dança e Pandeireta, Gaita, Introduçom a Linux e Corte e Confecçom. Durante o que resta de mês de Janeiro, as pessoas interessadas em participar nos cursos propostos deverám passar polo nosso Centro Social e fazer umha pré-inscriçom.
04-01-2010
Eina e Arenga na Fundaçom Artábria em solidariedade com Alexandre Rios
O próximo 16 de Janeiro a organizaçom juvenil da esquerda independentista BRIGA organiza no nosso Local Social um concerto em solidariedade com o jovem Alexandre Rios Bergantinhos ameaçado de entrar em prisom por participar em protestos contra a BRILAT em Ponte Vedra e na mobilizaçom de 1º de Maio de 2005 em Vigo.
01-01-2010
Passagem de ano ártabra: todo um clássico (de filme)
Já vam 12 ediçons de despedida do ano no Centro Social da Fundaçom Artábria, primeiro no local velho do bairro da Madalena, depois no actual do bairro de Esteiro. Por isso, podemos falar já sem exageros de um Clássico de Ferrol e da Terra de Trasancos. Desta vez, despedimos 2009 com ambiente cinematográfico e passamo-lo de medo montando a nossa própria entruidada. Se nom pudeste vir, podes polo menos ver umha pequena selecçom de imagens. Nom é igual que tê-lo vivido, mas ser, é mais que nada. Isso sim, para o ano tés que vir...
30-12-2009
O gigante carvoeiro do Courel estivo em Ferrol rapartindo presentes e castanhas
O Apalpador voltou a Ferrol, por segundo ano consecutivo, para repartir castanhas e presentes artesanais às crianças da nossa comarca. Depois de passar polo Centro Social da Fundaçom Artábria, agradecendo o labor de socializaçom da nossa própria cultura nacional e da figura do gigante carvoeiro, fijo umha visita ao local da Associaçom Vicinal de Esteiro, onde foi muito bem acolhido, igual que nas ruas de diferentes bairros da cidade. Um grupo de trasnos e a música tradicional galega acompanhárom com troula o passeio do Apalpador, que cumprimentou numerosas crianças ferrolanas.
