Neste mês de Setembro, a Fundaçom Artábria cumpre onze anos, tantos como os decorridos desde que em 1998 pugemos em andamento o nosso velho centro social na rua Madalena, que mais tarde seria trasladado para a sua localizaçom actual, no Bairro de Esteiro. Som muitas as actividades em prol do galego e da Galiza que temos desenvolvido durante todos estes anos, com a ajuda de muitas companheiras e companheiros. Para o celebrarmos conjuntamente, convidamos-vos a participardes no programa de actividades preparado para a ocasiom. Ei-lo:

Full story »

A Fundaçom Artábria convoca para a próxima sexta-feira, 25 de Setembro, umha mobilizaçom que percorrera as ruas do centro de Ferrol. A saída será às 20h na Praça do Hino Galego.

Full story »

Para mais informaçom e solicitar as bases liga até o dia 2 de Outubro para o telefone 629 855 655 ou envia un correio -e a artabria@artabria.net

Como anunciamos há duas semanas, a Fundaçom Artábria organizou umha viagem a Portugal, com a escusa de assistirmos à Festado Avante que cada mês de Setembro organiza o Partido Comunista Português. Um impressionante encontro de massas entre sectores diversos da esquerda mundial, com o PCP como anfitriom. Além da participaçom no Avante, os nossos companheiros e companheiras aproveitárom para conhecer um pouco melhor Lisboa, atravessar o Tejo por mar e conviver com o povo irmao português durante os dias 4, 5, 6 e 7 de Setembro.

A seguir, mostramos-vos algumhas imagens desta enriquecedora experiência, clicando em "Leia mais".

Full story »

Já é possível ver a exposiçom foto-textual dedicada a Ricardo Carvalho Calero, realizada pola Comissom de Língua da Fundaçom Artábria. Umha selecçom de textos de temática sociolingüística e fotografias do intelectual ferrolano dam conteúdo aos painéis, que estám patentes na parede da cafetaria do nosso Centro Social. Esta exposiçom, que esperamos poder levar a outros locais públicos da Galiza, é mais umha iniciativa da nossa entidade para reivindicar a figura e a obra de Ricardo Carvalho Calero.

Mais umha imagem da exposiçom clicando em 'Leia mais'.

Full story »

Estreada no passado 25 de Julho, Dia da Pátria, a exposiçom foto-textual dedicada a Carvalho Calero e à sua produçom sociolingüística já está disponível aqui, numha ediçom de fácil leitura que inclui imagens e textos de temática lingüística. Esta exposiçom, que em breve estará também no centro social da Fundaçom Artábria, é mais umha iniciativa para divulgar a obra de Ricardo Carvalho Calero e reclamar um Dia das Letras para um grande ferrolano, galego e universal.
Se queres vê-lo em tamanho grande, só tés que clicar em cima da imagem.