O nosso Centro Social acolherá a apresentaçom do livro 'Herdeiros pola forza', elaborado polo arqueólogo Xurxo Ayán e o jornalista Manuel Gago. Será na vindeira quinta-feira, 10 de maio às 20 horas.

Leia mais »

O Arquivo Digital da Academia Galega da Língua Portuguesa acaba de pôr a disposiçom das usuárias a dupla palestra Castelao e Sempre em Galiza cinquenta anos depois por Elvira Souto e Jenaro Marinhas del Valle. Organizada pola Associaçom da Língua Artábria no ano 1994 e enquadrada dentro das Jornadas O Reintegracionismo na tradiçom cultural galega.

O material disponível, filmado polo companheiro Alexandre Peres e doado pola Fundaçom Artábria, inclui a palestra, apresentada por Maurício Castro e que decorreu na antiga sede da Galeria Sargadelos em Ferrol, em formato de áudio como também de vídeo.
Convidamos a descarregar este interesantíssimo documento do Arquivo Digital premendo cá [+]

A próxima quarta-feira, 25 de abril, decorrerá na Fundaçom Artábria umha palestra ministrada por Carlos Casanueva, secretário-geral do Movimento Continental Bolivariano, e que levará por legenda "A revoluçom bolivariana e a luita revolucionária na América Latina".

A Fundaçom Artábria, como entidade internacionalista, quer dar a conhecer com esta palestra informaçom de primeira mao dos atuais processos revolucionários na Pátria Grande de Bolivar. O ato começará às 20.30hs.

Leia mais »

Nas próximas quarta, quinta e sexta-feira, 4, 5 e 6 de abril respetivamente a partir das 18hs, celebraremos no nosso centro social o Obradoiro de Malabares, ministrado polo companheiro Pablo Fernandes, do Movimento 15M e dirigido a afecionadas e interessados no mundo circense e dos jogos de malabarismo.

Leia mais »

Na próxima sexta-feira, 20 de janeiro, decorrerá no salom de atos da EOI de Ferrol, a apresentaçom da coleçom "Clássicos da Galiza" e do Arquivo Digital da Associaçom Pró Academia Galega da Língua Portuguesa, organizado pola nossa entidade e em colaboraçom com o departamento de português e da AGLP.

Leia mais »

O passado 30 de dezembro o Apalpador e os seus trasnos visitárom a Fundaçom Artábria para desde ali deslocar-se à Associaçom Vicinal de Esteiro e percorrer, repartindo presentes e castanhas entre as crianças, as ruas do bairro de Esteiro e da Madalena. Proximamente disponibilizaremos um video da jornada.

Da Fundaçom Artábria queremos agradecer a todas as entidades e pessoas que colaborárom um ano mais com nos, ajudando a socializar a figura do gigante carvoeiro do Courel. Entre outr@s, queremos agradecer a sua ajuda às escolas do CRA de Valdovinho, ao CEIP Isaac Peral, à associaçom pro-lactância de Narom, BBTTA, à Asociaçom Vicinal de Esteiro... e muito especialmente a Sabela polo seu grande trabalho. Muito obrigad@s!

Apresentamos a galeria gráfica da visita do Apalpador às crianças da associaçom pro-lactância materna BBTTA de Narom o passado dia 4 de janeiro, na Escola de Domirom. Com esta nova visita o gigante carvoeiro do Courel despedia-se até o ano que vem.

Apresentamos-vos algumhas imagens da "histórica" festa com que recebemos o novo ano no Centro Social da Fundaçom Artábria. Como sabedes, este ano a proposta temática eram as personagens históricas e nom faltárom desde Júlio César, Genghis Kahn, ou Donha Urraca até personagens mais contemporáneos como Fidel Castro ou o Subcomandante Marcos, entre outros muitos.

Mais um ano começamos este 2012 com a melhor companha e em galego, e se ainda nom conheces a nossa festa... o ano que vem nom podes faltar!

A passada terça e quarta-feira decorreu, dentro das atividades agendadas nestas ferias de inverno, o obradoiro de Origami ministrado por Antom Cortiças. Deixamos umha mostra gráfica do aprendido estes dous dias.

Na próxima sexta-feira, 30 de dezembro, o Apalpador visitará novamente Ferrol, para repartir castanhas e presentes entre as crianças e comprovar que estám bem mantidas. O carvoeiro do Courel sairá às 17.30h da Associaçom Vicinal de Esteiro e percorrerá, acompanhado dos trasnos e a música das Gaiteiras de Artábria, as ruas dos bairros de Esteiro e da Madalena.

Leia mais »