Um ceia para associados e associadas serviu na passada sexta-feira de celebraçom principal destes 11 anos cumpridos desde a abertura do Centro Social, acontecida em Setembro de 1998. Um bom número de companheiros e companheiras juntamo-nos num restaurante de Fene para a ocasiom. Além da gastronomia do País, vimos em primícia um trailer de 35 minutos do documentário sobre a história da Artábria que está a ser realizado e desfrutamos da música ao vivo oferecida polo José Constenla, velho amigo da Fundaçom Artábria.

Como sempre, mostramos-vos umhas imagens da festa gastronómica e musical.

Leia mais »

Mais um ano de vida é sempre motivo de celebraçom, por isso as associadas, associados e amizades da Fundaçom Artábria vamos reunir-nos no Restaurante Cantábrico no dia 2 de Outubro, num encontro gastronómico de confraternizaçom ártabra, incluindo música ao vivo e umha projecçom em vídeo sobre a história da nossa entidade.

Leia mais »

Tal como tínhamos acordado durante os dias de intenso trabalho que figérom possível umha nova ediçom do nosso Festival da Terra e da Língua, as numerosas pessoas que participárom nas diferentes tarefas estavam convocadas a umha ceia para celebrar um novo ano de Festival... e já vem aí o que completará a primeira década!

Leia mais »

Na próxima sexta-feira 28 de Agosto às 21.30h celebramos umha ceia de confraternizaçom para todas aquelas pessoas que colaborarom no Festival da Terra e da Língua. O preço é de 5 euros e podes apontar-te no balcom do café-bar antes do 25 de este mês.

Tal como anunciamos na semana passada, no sábado 25 de Abril tocava comemorarmos os 35 anos de Revoluçom dos Cravos. Foi um jantar de mais de 30 companheiros e companheiras que comemos um magnífico arroz de marisco cozinhado para a ocasiom polo companheiro Pepe numha grande pota colectiva, como a conversa e as cantadas que se seguírom, com destaque para o Grândola, vila morena.

Leia mais »

O Sábado 25 de Abril, com motivo do aniversário da Revoluçom dos cravos, terá lugar um Jantar português com a seguinte ementa Arroz caldoso de polvo e marisco, sobremesa de Bola de maçá e chá dos Açores, vinho, água, refrigerantes e café.

O preço do jantar é de 12 € adultos e 6 € crianças. Pode-se fazer a inscriçom e adquirir os passes no local, ou entom reservando no telefone 981352986 em horário de abertura do café-bar ou no 666071905.

Leia mais »

Neste sábado dia 21 festejamos o Entruido com umha festa de disfarces e domingo convidamos- vos a petiscos típicos da época a partir das 13 horas, no Centro Social.

Tal como anunciamos em dias passados, ontem recebemos o Inverno com umha noite de festa molhada pola forte chuva que caiu todo o dia e toda a noite em Ferrol. Apesar da água, a convocatória funcionou e a resposta foi boa: numerosas pessoas, amigas e amigos da Artábria, vinhérom comer umhas castanhas assadas, beber uns copos e desfrutar do espectáculo cómico de Pedro Brandariz.

Leia mais »

Para recebermos Novembro, vamos enfeitar o Centro Social com cabaças medonhas e, nesta mesma sexta-feira, assaremos umhas castinhinhas que poderás degustar de graça. Será a partir das 20h30 e, a seguir, contaremos com um espectáculo humorístico, com o clown Pedro Brandariz, às 22 horas, como parte dos actos polo X Aniversário da Fundaçom Artábria.

Queres saber mais sobre Pedro Brandariz? clica abaixo e lê mais:

Leia mais »