Estreada no passado 25 de Julho, Dia da Pátria, a exposiçom foto-textual dedicada a Carvalho Calero e à sua produçom sociolingüística já está disponível aqui, numha ediçom de fácil leitura que inclui imagens e textos de temática lingüística. Esta exposiçom, que em breve estará também no centro social da Fundaçom Artábria, é mais umha iniciativa para divulgar a obra de Ricardo Carvalho Calero e reclamar um Dia das Letras para um grande ferrolano, galego e universal.
Se queres vê-lo em tamanho grande, só tés que clicar em cima da imagem.

Estas som umhas boas datas para trazermos de volta a obra infantil publicada há anos em pdf pola Fundaçom Artábria, da autoria de dous artistas da nossa comarca: Pepablo Patinho (texto) e Leandro Lamas (ilustraçons). De mensagem ecologista dirigida a crianças e público adulto, agora podes lê-lo gratuitamente em formato de fácil leitura.

Clica sobre a imagem para a veres aumentada.

Com licença expressa dos companheiros e companheiras do Portal Galego da Língua, editamos digitalmente em formato de fácil leitura um documento de 2006, da autoria de José André Lôpez Gonçalez. Trata-se do trabalho em que se fundamenta a existência do Apalpador, o velho carvoeiro das montanhas do Leste da Galiza que traz presentes às crianças galegas.

Como sabes, para o leres é só clicares em cima da janela para que se abra num tamanho maior.

Trazemos mais umha publicaçom da Artábria em formato digital de fácil leitura on line: Conhecermos Carvalho Calero, publicada em papel no ano 2000, coincidindo na altura com o décimo aniversário do intelectual ferrolano.

Clica em cima para aumentares o tamanho da janela veres a publicaçom mais ao perto.

Publicado com sucesso pola nossa entidade em 1999, o Gong anda perto de cumprir umha década e fai-no com boa saúde. Há uns meses difundimos a reediçom gratuita em PDF e agora, continuando com a publicaçom de materiais em formato digital que facilita a leitura no ecrám, penduramos a ligaçom para o poemário do reconhecido autor de Escairom.

Se ainda nom o conhecias, esta é a ocasiom para o leres. Clica em cima para aceder ao texto em tamanho maior.

Reproduzimos aqui a ediçom digital de umha pequena banda desenhada realizada polo Colectivo Pestinho a inícios da década de noventa, precedente da História da Língua, dos mesmos autores artísticos, e como esta dedicada a reivindicar a nossa condiçom nacional e os nossos direitos lingüísticos colectivos.

Já sabes: para a veres aumentada, clica em cima.

Continuando com a recuperaçom de obras publicadas pola Fundaçom Artábria ou com participaçom nossa, remontamos agora a 1995, ano em que fôrom publicados 4.000 exemplares da História da Galiza em Banda Desenhada, esgotada em poucos meses. Provavelmente já a conheças ou tenhas um exemplar em papel mas, se nom for assim, aqui podes vê-la e lê-la numha ediçom digital que facilita a leitura on line.

Lembra: carrega em cima da publicaçom para a veres num tamanho maior... e a desfrutá-la!

Continuamos a recuperar publicaçons históricas da nossa entidade, esgotadas em papel, para o acesso gratuito em formato digital de fácil leitura. Nesta ocasiom é o Manual de Iniciaçom à Língua Galega, publicado em 1998 na primeira ediçom (impressa) e em 2006 na segunda (digital, co-editado com a AGAL), da autoria de Maurício Castro.

Para o veres em tamanho grande, já sabes, clica em cima.

Recuperamos todo um clássico da banda desenhada galega. Umha amena história da nossa língua através dos séculos, com tom humorístico e formativo, além de umha perspectiva inequivocamente reintegracionista. Um dos primeiros grandes projectos do movimento reintegracionista de base que se desenvolveu na Galiza dos anos 80 e 90, a sua primeira ediçom remonta a Abril de 1992 e nela já participou a Artábria, na etapa anterior à sua conversom em Fundaçom de Interesse Galego.

Clica em cima da publicaçom para a veres em tamanho maior.

Dez anos depois da saída da primeira obra publicada polo hoje reconhecido escritor Carlos Quiroga, temos o privilégio de publicar a reediçom digital do poemário Gong (mais de 20 poemas globais e um posfácio esperançado), cuja ediçom em papel ficou há muito esgotada.

Leia mais »