Continuando com a recuperaçom de obras publicadas pola Fundaçom Artábria ou com participaçom nossa, remontamos agora a 1995, ano em que fôrom publicados 4.000 exemplares da História da Galiza em Banda Desenhada, esgotada em poucos meses. Provavelmente já a conheças ou tenhas um exemplar em papel mas, se nom for assim, aqui podes vê-la e lê-la numha ediçom digital que facilita a leitura on line.

Lembra: carrega em cima da publicaçom para a veres num tamanho maior... e a desfrutá-la!

Continuamos a recuperar publicaçons históricas da nossa entidade, esgotadas em papel, para o acesso gratuito em formato digital de fácil leitura. Nesta ocasiom é o Manual de Iniciaçom à Língua Galega, publicado em 1998 na primeira ediçom (impressa) e em 2006 na segunda (digital, co-editado com a AGAL), da autoria de Maurício Castro.

Para o veres em tamanho grande, já sabes, clica em cima.

Recuperamos todo um clássico da banda desenhada galega. Umha amena história da nossa língua através dos séculos, com tom humorístico e formativo, além de umha perspectiva inequivocamente reintegracionista. Um dos primeiros grandes projectos do movimento reintegracionista de base que se desenvolveu na Galiza dos anos 80 e 90, a sua primeira ediçom remonta a Abril de 1992 e nela já participou a Artábria, na etapa anterior à sua conversom em Fundaçom de Interesse Galego.

Clica em cima da publicaçom para a veres em tamanho maior.

Dez anos depois da saída da primeira obra publicada polo hoje reconhecido escritor Carlos Quiroga, temos o privilégio de publicar a reediçom digital do poemário Gong (mais de 20 poemas globais e um posfácio esperançado), cuja ediçom em papel ficou há muito esgotada.

Leia mais »

As vendas do Manual Galego de Língua e Estilo, co-editado pola Fundaçom Artábria e outras treze entidades, avançam a bom ritmo, segundo as notícias que nos chegam de todo o País. Também no nosso Centro Social estám a vender-se bastante, mas ainda temos alguns exemplares disponíveis. Se ainda nom o compraste, é o momento.

Leia mais »

Por fim está na rua umha nova obra editorial importante para todos e todas as que escrevemos conforme as normas do galego histórico ou reintegracionista: o Manual Galego de Língua e Estilo, da autoria de Maurício Castro, Beatriz Peres e Eduardo Maragoto. Um volume de 495 páginas acompanhado de um CD com o processador de texto Open Office e o verificador ortográfico para galego-português.

Leia mais »