Fundaçom Artábria chama a sua base social a participar junto a outras entidades do reintegracionismo de base na manifestaçom da próxima sexta-feira, convocada pola Plataforma Queremos Galego, dentro do Bloco Laranja. O ponto de saída será às 12hs na Estátua das Marias, na Alameda de Compostela. A continuaçom reproduzimos o manifesto do bloco reintegracionista ao que até o momento se tenhem aderido: Gentalha do Pichel (Compostela), CS Lume! (Vigo), Coletivo Terra (Pontedeume), CS Gomes Gaioso (Corunha), Assembleia da Mocidade Independentista, AGIR, BRIGA, CNT-Compostela, NÓS-Unidade Popular, Coletivo Cultural Buril (Burela), SCD Condado, Amig@s da Cultura (Ponte Vedra), Diário Liberdade, Galizalivre.org, Instituto Galego de Estudos Célticos, CS Fuscalho e A velha na Horta (Baixo Minho).

Leia mais »

No passado sábado, 11 de maio, vári@s companheir@s da Artábria e da Associaçom de Vizinhança de Esteiro juntamo-nos na Praça do Hino Galego mais um ano para elaborar o maio do bairro.
Eis umha pequena crónica gráfica da jornada.

O Centro Social do Pichel acolhe, dia 21 de abril às 12 horas, a reuniom preparatória do Bloco Laranja para a manife pola língua que decorrerá no dia 17 de maio em Compostela.

Leia mais »

Reproduzimos intervençom do companheiro Xende Lopes em representaçom da diretiva da Fundaçom Artábria na homenagem a Carvalho Calero decorrida hoje em Ferrol Velho.

Leia mais »

Como cada no em torno da data de aniversário da morte de Carvalho Calero, hoje voltamos a visitar a rua Sam Francisco, no ferrolano bairro onde nasceu e viveu os seus primeiros anos.

Leia mais »

Como cada ano, neste voltamos a levar à rua Sam Francisco a nossa homenagem a Ricardo Carvalho Calero. A iniciativa lançada há já longos anos pola Fundaçom Artábria nunca faltou e neste ano voltamos a levar a memória, a poesia e a reivindicaçom lingüística ao bairro de Ferrol Velho onde nasceu, em 1910, um dos grandes da nossa cultura nacional.

Será no dia 24 de março, domingo, a partir das 12 horas, contando com poesia, música e umha oferta floral aos pés da que foi casa natal de Carvalho Calero.

Se bem o ato da rua Sam Francisco foi sempre de caráter cívico e carente de qualquer incidente, no ano passado o Governo municipal do PP decidiu mandar a polícia local para evitar que se realizasse a concentraçom. Naturalmente, o ato fijo-se, ainda que rodeado por efetivos da polícia que, polos vistos, nom tinham outras tarefas mais importantes que desenvolver.

Finalmente, dous companheiros, Joám Lopes e Ernesto Lopes, fôrom identificados e multados como represália contra a nossa entidade, por mantermos a iniciativa, como cada ano. Polos vistos, o governo do PP considera que um grupo de vizinhos e vizinhas nos reunamos para afirmar a nossa galeguidade e homenagear as figuras da história local e nacional representamos umha ameaça.

Da Fundaçom Artábria queremos aproveitar a convocatória deste ano para pedir aos e às participantes que ajudem a afrontar o pagamento da multa de 300 euros imposta aos companheiros devido à realizaçom da mesma homenagem há um ano. Temos notícias de que o Governo municipal pode inclusive querer repetir a mesma atuaçom repressiva, o que consideraríamos umha grave agressom à liberdade ideológica, de expressom e de reuniom.

Seja como for, convidamos os ferrolanos e ferrolanas a vir à rua Sam Francisco, homenagear o escritor, lingüista e intelectual desaparecido em 1990, e reafirmar a firmeza com que manteremos as nossas iniciativas nas ruas de Ferrol, independentemente da opiniom que podam ter José Manuel Rei e a sua polícia municipal.