A Fundaçom Artábria celebra o final do Entruido com jantar e depois umha grande festa que contará com um concurso de disfarces. Será o sábado 20 de Fevereiro.
Podes apontar-te ao jantar que começará às 14.30h deixando um comentário no blogue, no balcom do café-bar ou bem escrevendo para correiodeartabria@gmail.com. O preço será de 12 euros e a ementa cozido a fartar.
E depois festa de disfarces com prémios aos melhores trajes. Nom podes faltar!

O Apalpador voltou a Ferrol, por segundo ano consecutivo, para repartir castanhas e presentes artesanais às crianças da nossa comarca. Depois de passar polo Centro Social da Fundaçom Artábria, agradecendo o labor de socializaçom da nossa própria cultura nacional e da figura do gigante carvoeiro, fijo umha visita ao local da Associaçom Vicinal de Esteiro, onde foi muito bem acolhido, igual que nas ruas de diferentes bairros da cidade. Um grupo de trasnos e a música tradicional galega acompanhárom com troula o passeio do Apalpador, que cumprimentou numerosas crianças ferrolanas.

Leia mais »

Durante os próximos dias 22 e 23 de Dezembro esta previsto realizar no nosso local, dúas jornadas de confecçom dos trajes que levaram os trasnos que acompanharam o Apalpador o próximo dia 30 de Dezembro polas ruas do bairro de Esteiro.

Se estiver interessad@s na elaboraçom dos mesmos ou na tua participaçom como trasno passa-te a partir das 20h pola Fundaçom Artábria.

Como cada ano, a Fundaçom Artábria saiu à rua para celebrar a chegada do Verao, na noite mais longa, oferecendo à vizinhança de Esteiro chouriços, liscos e algumha cousa para beber. A resposta foi ainda melhor e a festa durou até bastante tarde, com mais gente da que cabia no Centro Social. A Travessa de Batalhons foi finalmente ocupada por amigos, amigas e vizinhança que aderiu à festa.

Leia mais »

O próximo dia 13 de Junho e durante dous dias, darám início as Olimpíadas de Esteiro 2009 no campo de Ferrándiz, macroevento desportivo co-organizado entre a AV Fontelonga, A.C. Fervesteiro e a Fundaçom Artábria.

Leia mais »

Nesta quarta-feira, 20 de Maio, a partir das 20h teremos mais umha jornada para elaborar os atira-balas que serám utilizados nas inminentes Olimpiadas de Esteiro. O obradoiro será impartido polo membro do COE (Comité Olímpico de Esteiro) Ernesto Lopes.
Além do talher, e se o tempo o permite, deslocaremo-nos até o campo do Ferrándiz, ao lado do nosso Local Social, para praticar outra das modalidades que estarám presentes neste importante evento desportivo: A Bilharda.

Leia mais »

No passado sábado, um grupo de sóci@s e amig@s da Artábria juntamo-nos para realizar um maio na praça do Hino Galego em Esteiro.

Leia mais »

Sábado 2 Maio a partir das 12:00 na praça do Hino galego, em Esteiro, festejaremos a despedida do Inverno e a chegada da Primavera com a apariçom das primeiras flores e frutos elaborando os Maios. Cobriremos a nossa estrutura de forma cónica, seguindo a tradiçom da na nossa comarca, com fiuncho, laranjas, flores... até lograr um Maio que destaque no centro da praça.

Podes trazer as tuas flores, verde e frutas para ajudar a enfeitá-lo.

ESPERAMOS-TE!!

Quarta-feira 29 de Abril, às 20:00, terá lugar um obradoiro de atira-balas. A partir de diversos materiais reutilizados como madeira, borrachas ou badana procedente de botas velhas, fabricaremos os nossos atira-balas que poderemos usar nas "Olimpíadas de Esteiro", previstas para os dias 13 e 14 de Junho.