A exposiçom foto-textual sobre Carvalho Calero partiu do nosso Centro Social para ser levada a diferentes centros de ensino da Galiza. A pedido da entidade estudantil AGIR, e depois de vários meses patente na cafetaria da Fundaçom Artábria, os painéis que formam a exposiçom dedicada ao grande autor ferrolano foi já exposta no liceu Gelmires I, de Compostela. Nas próximas semanas estará noutros centros de secundário galegos, numha iniciativa que coincide com o I Centenário do nascimento de Ricardo Carvalho Calero.

Reproduzimos a intervençom da representante da Junta Directiva da Fundaçom Artábria no fim da marcha em defesa da língua que decorreu no dia 25 de Setembro polo centro de Ferrol.

Leia mais »

A Fundaçom Artábria convoca para a próxima sexta-feira, 25 de Setembro, umha mobilizaçom que percorrera as ruas do centro de Ferrol. A saída será às 20h na Praça do Hino Galego.

Leia mais »

Já é possível ver a exposiçom foto-textual dedicada a Ricardo Carvalho Calero, realizada pola Comissom de Língua da Fundaçom Artábria. Umha selecçom de textos de temática sociolingüística e fotografias do intelectual ferrolano dam conteúdo aos painéis, que estám patentes na parede da cafetaria do nosso Centro Social. Esta exposiçom, que esperamos poder levar a outros locais públicos da Galiza, é mais umha iniciativa da nossa entidade para reivindicar a figura e a obra de Ricardo Carvalho Calero.

Mais umha imagem da exposiçom clicando em 'Leia mais'.

Leia mais »

Estreada no passado 25 de Julho, Dia da Pátria, a exposiçom foto-textual dedicada a Carvalho Calero e à sua produçom sociolingüística já está disponível aqui, numha ediçom de fácil leitura que inclui imagens e textos de temática lingüística. Esta exposiçom, que em breve estará também no centro social da Fundaçom Artábria, é mais umha iniciativa para divulgar a obra de Ricardo Carvalho Calero e reclamar um Dia das Letras para um grande ferrolano, galego e universal.
Se queres vê-lo em tamanho grande, só tés que clicar em cima da imagem.

Oferecemos-vos a ediçom digital do folheto elaborado pola nossa entidade para reivindicar o Dia das Letras de 2010 para Carvalho Calero, junto à versom em html do texto.

Leia mais »

A Fundaçom Artábria quer fazer pública a sua solidariedade com os companheiros e companheiras dos centros sociais Henriqueta Outeiro e o Pichel, de Compostela, em resposta à campanha de difamaçons e caça às bruxas lançada polo Partido Popular compostelano.

Leia mais »

Na Fundaçom Artábria, que desde o momento do seu nascimento situou a defesa do direito colectivo do povo galego à língua que criamos há mais de mil anos, queremos somar a nossa à voz de todos os colectivos e sectores sociais que denunciam a presença dos extremistas antigalego nas ruas da nossa capital.

Leia mais »

Trazemos mais umha publicaçom da Artábria em formato digital de fácil leitura on line: Conhecermos Carvalho Calero, publicada em papel no ano 2000, coincidindo na altura com o décimo aniversário do intelectual ferrolano.

Clica em cima para aumentares o tamanho da janela veres a publicaçom mais ao perto.

Publicado com sucesso pola nossa entidade em 1999, o Gong anda perto de cumprir umha década e fai-no com boa saúde. Há uns meses difundimos a reediçom gratuita em PDF e agora, continuando com a publicaçom de materiais em formato digital que facilita a leitura no ecrám, penduramos a ligaçom para o poemário do reconhecido autor de Escairom.

Se ainda nom o conhecias, esta é a ocasiom para o leres. Clica em cima para aceder ao texto em tamanho maior.