No sábado dia 7 de maio, um grupo de alunos do companheiro agulhó, um dos que estám no nosso projeto desde a abertura do velho Centro Social na rua Madalena de Ferrol, organizou-lhe umha merecida homenagem polos seus longos anos de magistério como gaiteiro na nossa Terra de Trasancos.

Leia mais »

Na passada semana,umha assembleia promovida pola Fundaçom Artábria e convocada em regime de autoconvocatória reuniu diferentes entidades no nosso centro social: AVV Esteiro, NÓS-UP, Briga, Uniom Libertária, Associaçom Cultural Fuco Buxam, Coordenadora 0,0 e a própria Artábria, além de pessoas a título individual.

Leia mais »

Como já figéramos no passado 17 de Maio, o pessoal da Fundaçom Artábria viajou a Compostela para juntar a nossa à voz de milhares de galegos e galegas que nom estamos dispostas a que nos deixem sem fala. O nosso idioma, milenar património colectivo e principal sinal de identidade nacional, nom se toca. Junto a cada vez mais reintegracionistas, berramos alto e claro que queremos que o galego recupere a hegemonia social que já tivo algum dia e que, com a nossa luita, voltará a ter.

Leia mais »

Com motivo da comemoraçom do Dia do Orgulho LGBT, a Fundaçom Artábria organiza conjuntamente com a associaçom Galentendo umha palestra sob a legenda "Visualizando a Visibilidade" na próxima sexta-feira dia 26 de Junho.

Na mesma, que começará às 20.30, participarám Laura Bugalho (Transgaliza), Rubém Centeno (maribolheras precárias), Lella (ex-proprietária do L-Club) e Silvia Penide (cantora).

Após a palestra haverá umha festa com Dj Agostinho.

O Partido Popular acaba de dar um golpe de leme à iniciativa radiofónica mais importante existente no meio público galego para o fomento da criaçom e difusom musical galega e em galego.

O programa "Aberto por reformas", que nos últimos anos véu dirigindo e apresentando Xurxo Souto e constituía um dos escassíssimos espaços de apoio à produçom cultural própria apoiados institucionalmente, acabou de ser suprimido da grelha da programaçom da Rádio Galega, substituído por um rançoso programa que retira todo compromisso com a nossa música e com os nossos grupos.

Leia mais »

Este 17 de Maio, Dia das Letras, foi especial. A grave situaçom que o nosso idioma atravessa obrigava a umha resposta colectiva, como povo, para afirmarmos a nossa disposiçom para umha longa luita contra os planos assimilistas dos que sempre quigérom acabar com o galego. E a resposta produziu-se: a de ontem foi umha das mobilizaçons com mais participaçom da história da Galiza. A gente da Fundaçom Artábria tinha que estar aí, e aí estivo, com a Plataforma Galego Sempre Mais, de que somos integrantes, junto a outros muitos centros sociais e entidades, desde o primeiro dia.

Leia mais »

- Quinta-feira 14 de Maio ás 20:00, projectaremos “Línguas cruzadas”, um documentário sobre a situaçom do galego entre a mocidade, mostrando em base a testimonios de jovens de diferentes localidades do país falando sobre as súas experiências pessoais com a língua.

- Sexta-feira 15 de Maio ás 20:00, acabaremos este pequeno ciclo de documentários arredor da língua com a projecçom de “Lusofonía, a (r)evolução”, documéntário que retrata a música no espaço lusófono, partindo de um movimento musical que emerge da cidade de Lisboa, mais estabelece ponte com Africa (Angola, Moçambique, Cabo verde,...) e o Brasil.

- Sábado 16 de Maio a partir das 12:00 horas, na praça de Rosalia de Castro no bairro de Sam Joám, participaremos como todos os anos no acto unitário no monumento a Rosalia, com motivo do Dia das Letras. Umha vez concluído o acto, poderemos desfrutar de uns peticos no Centro Social da Fundaçom Artábria.

À noite, a partir das 22:00, apresentando o seu novo cd “Autómatas”, contaremos com o ská viguês de Kogito.. O preço para esta actuaçom é de 3 euros para sóci@s e 4 euros para pessoas nom asociadas, podendo comprar-se o bilhete mais o cd a um preço de 8 euros.

- Domingo 17 de Maio, a partir das 12:15 na Alameda de Compostela, a Fundaçom Artábria fará parte do bloco “Galego sempre mais” (+info: www.galegosempremais.net )na manifestaçom nacional pola língua.

Esta Sexta 24 de Abril, @s companheir@s de L´Ambaixada, um colectivo de pessoas dos Països Catalans residentes na Galiza, que tratam de que conheçamos um bocado mais a realidade política e social dos PPCC, apresentaram o documentário “Del roig al blau” a partir das 20:00 no que mostra as grandes manifestaçons de l”Amnistia i l”Estatut, as primeiras eleiçons, o incipiente anticatalanismo, a eracçom da direita e extrema-direita contra o Plenari de Parlamentaris, el Consell Preautonìmic, ou a esquerda, nos finais do 70 no País Valencià.

A Fundaçom Artábria quer fazer pública a sua solidariedade com os companheiros e companheiras dos centros sociais Henriqueta Outeiro e o Pichel, de Compostela, em resposta à campanha de difamaçons e caça às bruxas lançada polo Partido Popular compostelano.

Leia mais »

Na Fundaçom Artábria, que desde o momento do seu nascimento situou a defesa do direito colectivo do povo galego à língua que criamos há mais de mil anos, queremos somar a nossa à voz de todos os colectivos e sectores sociais que denunciam a presença dos extremistas antigalego nas ruas da nossa capital.

Leia mais »