Aproveitando o aprendido no Monográfico de Stencils, um grupo de sócios e sócias enfeitamos a persiana exterior do Centro Social da Fundaçom Artábria com umha homenagem a Carvalho Calero e ao reintegracionismo militante.

Desde o próximo 2 de Agosto e até o 2 de Setembro ofertamos um curso de guitarra no nosso Centro Social.

O curso será ministrado por Alba Lòpez Sanchez e terá um custo de 25 euros para pessoas associadas e de 28 euros para nom sóci@s.

Leia mais »

A Artábria retoma a actividade de cursos sobre assuntos propostos por pessoas interessadas nas diferentes temáticas que, finalmente, conseguimos organizar. De partida, haverá actividades formativas de Língua, Dança e Pandeireta, Gaita, Introduçom a Linux e Corte e Confecçom. Durante o que resta de mês de Janeiro, as pessoas interessadas em participar nos cursos propostos deverám passar polo nosso Centro Social e fazer umha pré-inscriçom.

Leia mais »

Para o próximo dia 28 de Outubro às 20h30 esta previsto que de início o obradoiro de elaboraçom de atira-balas,o que lhe seguirám outra série de sessions previstas para os dias 4, 11 e 18 de Novembro.

Finalmente o dia 27 de Novembro a partir das 20h00, celebrará-se um campionato da modalidade desportiva em questom, no que haverá prémios para as pessoas classificadas nos três últimos lugares.

A partir das 17h30, temos um obradoiro de presentes artesanais, dirigido polo companheiro Ernesto Lopes, o Nês, integrante de toda a vida da nossa entidade. A partir de diferentes materiais tais como osso de fruita, cascas de nozes, et cetera, construiremos brinquedos que o Apalpador repartirá entre as crianças.

Mais tarde, Suso Vaamonde, Xerardo Moscoso, Benedicto, Bibiano, Fujam os ventos, Saraibas, Miro Casavelha... ateigarám Artábria com os seus versos de crítica frente às injustiças e de dignificaçom da nossa cultura e língua. Será o dia das “Vozes pop e da cançom de intervençom galega”.

E POLA NOITE ABRIMOS DESDE AS 0.30, VEM TOMAR-LHE UM COPO!

Problemas de última hora obrigam-nos a mudar a actividade agendada para esta segunda-feira, quando Antom Cortiças ia dirigir a primeira sessom de origami. Em lugar da segunda, a actividade vai realizar-se na segunda, dia 29, à mesma hora (19 horas).

Pedimos desculpa polo atraso e esperamos que podades desfrutar da aprendizagem da elaboraçom de figuras de papel connosco na terça-feira.

Um grupo de socias e de sócios de idades diversas, com destaque para as crianças, dedicárom a tarde deste sábado a construir um Apalpador de madeira e papel pintado, junto ao imprescindível saco de carvom, como corresponde ao velho carvoeiro que, vindo das montanhas do Leste da Galiza, cada Natal traz os presentes às meninhas e aos meninhos galegos.

Queres ver umha reportagem gráfica do trabalho? Clica em 'Leia mais'.

Leia mais »

Começamos o ano com o primeiro dos cursos que a Fundaçom Artábria tem preparado durante os próximos meses. Todas as quartas-feiras às 17.00h contaremos com um curso de Dança do Ventre. As aulas som de umha hora de duraçom e o seu custo é de 18 euros por mês. Para te inscreveres, podes fazê-lo ao balcom do Café-Bar ou entom nos telefones 670 066 852 ou 669 778 474.