Trás visitar o canhom do Sil, a Coordenadora Galega de Roteiros percorre outro rio emblemático do País. Será o fim de semana do 28 e 29 de Abril, e com o apoio logístico da Gentalha do Pichel e a associaçom noiesa Roi Soga de Lobeira, que se responsabilizam pola organizaçom. A ideia das e dos organizadores é conhecer 'umha das fragas atlánticas mais importantes do país', entre os concelhos de Negreira e Noia, e denunciar 'as agressons ambientais' aos rios e às rias. Nas jornadas também haverá lugar para a reivindicaçom.

Partirá-se do conhecido encoro de Barrié de la Maza, construído pola aliança do franquismo, o banco pastor e Fenosa. A rota servirá também para conhecer agressons mais recentes, como algumha minicentral posta em funcionamento nos últimos anos.

Andará-se umha parte do Tambre que discorre por um canhom, avançando sempre em direcçom Ponte Nafonso. Fará-se noite num pavilhom municipal na vila de Noia, onde a organizaçom Roi Soga de Lobeira prepara umha festa à noite.

No dia seguinte, dará-se umha pequena charla de formaçom sobre a história do nacionalismo e as luitas populares na zona de Muros-Noia, e subirá-se aos montes da contorna para comprovar sobre o terreno o efeito nefasto dos parques eólicos.

Trás o jantar de confraternizaçom, os organizadores preparam um mural reinvindicativo em defesa da Terra nas ruas desta mesma vila. As pessoas interessadas em participar devem de chamar com antecedência ao telefone 629311268 ou no correio da nossa associaçom: localsocialbarbanza@gmail.com
Desde Atutuxo apoiamos esta convocatoria e pedimos a participaçom neste acto.